再戰九州2009 (第四天 13Jan)-高千穗、阿蘇 (中間徧下)

由於兜錯左路既關係，最唔想見到既野終於黎喇~ ~ ~

照住 GPS 話既路線，佢叫我轉右我咪轉右囉 …

點知入到條路之後發覺有 D 唔對路

條路好窄同好斜，仲要係落斜~ 國見X丘係應該響山上面睇風景架喎~ 點解 …

越行越唔對路 … 仲見到路面積左雪 … 會唔會好似上年去完九重夢咁架

拿拿聲搵個闊 D 既位調頭走啦~ 好彩上得到斜無跣咋~

有驚無險，平平安安出番大路啦~ 跟住條路再繼續上山，終於見到目的地啦！

好彩 D 字係白色，如果紅色咪好似拍緊陰陽路咁？！

落左車再上少少斜就攪掂啦！聽聞呢樹睇雲海好靚架 .. 不過我地今日好似無比雲喎~

到此一遊~

上到去又係一個人都無，平日去旅行成日都係無乜人~

唔記得邊邊係高千穗盆地邊邊係阿蘇啦~

如無意外，呢邊應該係高千穗~

呢邊係阿蘇~

唔知有咩好望呢？！

睇左大概十五分鐘左右啦 … 因為太凍啦 … 我地就上車向阿蘇出發啦~

不過我地見 GPS 條路好似好牙煙 … 所以我地自己揀左條路落左山先~ 再等 GPS 幫我地定過另一條路啦~ 安全第一~

向前往阿蘇既途中 … 美寧見到~

之後向車入面美寧好似好留戀佢地咁 … 好啦~ 調頭返去同佢地影下相啦~

「咸旦遇上甜姐兒」~

「咸旦激戰死光炮」~

「粗大巫婆小姑娘」~

「巫婆遇上咸豬手」~

影完一輪，我地又上番車繼續行程啦！咪睇我無著褸，其實都仲好凍，哈哈~

沿途天都唔係話好好，差唔多到果陣 … 又開始落雪啦~

終於都到啦~

我放低左 D 行李同美寧響路，之後去泊車，因為入酒店係要過一條隧道既~

泊完車番轉頭 … 見到有個傻婆赤手玩雪，凍到隻手硬左 … 哈哈哈~

就係行呢條隧道啦~~ 斜向上架 … 可惡呀~

「鬼叫你窮呀 … 頂上啦~」

酒店個樣呀 … 一間間太空館 … 係咪影得好靚呢？

當然靚啦，呢張係人家廣告 Poster 黎架嘛 .. 嘻嘻~

<<續>>