再戰九州2009 (第四天 13Jan)-高千穗、阿蘇 (下)

過完隧道，就慢慢行入去啦~ 好大個招牌！

我地呢一晚係住 阿蘇 ファームヴィレッジ

夜晚睇個走廊都幾靚架~

個大堂好大~

check-in 啦，呢位係唔係太懂英語既哥哥仔，呢間野咁大點解都無 D 好似別府咁有個識國語既人在場架呢？

攪掂晒 D 野，我地就行去間房啦 … 話遠唔遠，話近唔近啦！

呢間就我地間房啦

一入屋有 4 個床舖~ 都幾大間房架！

呢個洞如果好天的話可以望到星星，可惜果晚有落雪，俾 D 雪遮左無野睇~

4 人份量既衣物，要自己帶去浸溫泉~

有洗手間，不過無暖板功能，坐落去好凍~

我地抖左一陣，就出發行去吃晚飯啦，個餐廳都幾大架~

佢有好多個選擇，我地揀左吃呢個「健康燒肉鍋」~

入到去要除鞋架，有得揀坐地下或者坐抬，我地當然揀坐抬啦~ 好似舒服 D ~

有英文教你吃個鍋既程序~

野飲係自助既，想飲乜自己行去攞就得架啦！

呢一 D 就係呢一晚個晚餐啦，咪睇佢得一碟野呀，都幾飽架~

哇 … 好美味呀~ 嘻嘻~

吃完仲有甜品添~ 我就覺得粒紅色好酸~

吃完個晚餐，出門口影下相，就慢慢行番房準備浸溫泉啦~

首先因為佢送一個叫唔知咩既桑拿，咁我地兩個就去玩下啦，見佢唔使錢，如果要俾錢係 1000円一個人架都

真係把鬼，去到果陣一個人都無，以為係好事啦，點知名過於實，完全無特別，只係有好多間桑拿房，間間房有唔同既味 … 真係 … 好無特別~

不過我地都有走晒咁多間房，有 D 陣味好難頂，有 D 都尚算可以~ 不過玩左都唔知有無半個鐘走啦，行過對面轉戰溫泉~

呢邊就好好多啦，有好多個溫泉，有室內有室外，我諗都有差不多二十個~

我當然就個個都試下啦，唔好執輸丫嘛~ 不過美寧就話因為室外好似無乜人，佢好驚，所以佢無浸晒咁多個呀~

呢個係男湯~ 我影完先知室外有人 … 哈~ Sorry 囉~ 不過室內當然係一個人都無啦！

呢個係女湯~

浸到十點幾，我地就返學訓啦，日本既夜晚真係幾悶，又早日落~ 呵呵~

呢兩張就係我地響去阿蘇途中買定聽日去動物園既入場券啦，去 Lawson 買一張平 200円，兩個人平左三十幾蚊啦~ 嘻嘻~

後感：

呢一日都幾舒服，好多風景睇！好似幅畫咁！下次如果可以再去呢間酒店，希望可以早 D 到，因為佢好似都幾大，今次去到入黑都無行過其他野！

是日使費：

酒店 … 28300円

路費 … 450円

撐船 + 餵鴨 … 1650円

午餐 … 1800円