再戰九州2009 (第五天 14Jan)-湯布院 (中)

離開左酒店，我地上路啦~ 途中見到呢 D 好得意既欄杆~

又見到阿笨與阿占既廣告版，原來都諗住去既，不過美寧話無咩興趣！而且好多人都話無咩特別~所以無去到~

我地去既途中先會經過湯布院，之後過一個山就到架啦！

不過響過呢個山既時候，發覺成條路都鋪滿雪，睇情況一陣回程唔可以再行呢條路啦！因為我地今次租車無俾鏈我地，要鏈加 1050円，我當然無加啦！

我地以龜速慢慢咁過左個山，落左山就好快到啦！呢個對牙一入門口就見到架啦~

入場券尋日響「羅神」買左，如果要坐車餵動物要俾多 1000円坐車費！我地去到仲有 20 分鐘就開車啦，就係呢架車啦~

上車啦 … 兩個人佢會俾一盒野你架！

佢有分邊 D 係要黎餵邊樣動物既，不過我地兩個都唔識聽之嘛~ 到時見到人餵乜我地咪餵乜囉~ 嘻嘻~

坐位下面有 D 拑俾你拑食物

就係呢位哥仔啦~佢不停講解好多野~ 不過我地唔識聽丫，沿途佢都會不停咁講野，我唯一聽得明就「Come On Baby」 … 佢係對住 D 鹿講既~ 應該係叫佢地黎吃野啦~

既然唔知佢 up 乜，咁就當然係影下相既時候啦~

有好多野架 … 鹿、熊、象、獅子、老虎、長頸鹿 … …

仲有豹同班馬~

之前上網睇 D 人話食物唔夠餵 … 我地兩個就死慳死底 … 點知剩左好多野~ 蝕呀~

落左車四圍望下，原來佢仲有好多款車架~

之後我地開始參觀啦，可能真係因為太凍啦，無乜人同無乜動物睇~

有馬可以騎，不過要小朋友先騎到~

「瑪利有隻小綿羊 … 小綿羊 … 小綿羊 …」

有間商店好多公仔賣~

袋鼠春睡~

袋鼠：「做乜無啦啦有兩條友仔行入黎架？！」

袋鼠：「肥仔你唔好手指指喎，咬你架！」

軒：「喂，你響度住左幾耐呀？」

袋鼠：「借 D 二問野，想溝我呀靚仔？」

睇完袋鼠，我地就回程啦，原本可以自己渣車入去果個可以餵動物既地方架，不過我地都無去，因為果日真係好凍，而且比我想像之中少野睇！可能夏天黎會好 D 啦！

今日行程好鬆動呀，去完動物園，出發去湯布院 check-in 啦！由於我地決定唔行頭先條山路，結果要兜好大個圈呀~

<<續>>