今日晨早就起左身啦 … 其實日日都係晨咁早，因為時差一個鐘，我響呢邊多數 0730 就起身 … 即係香港時間 0630，咪同返工一樣
起左身無咩做，影下外面先~
之後就落去吃早餐啦，好多人呀，不過好似無咩好吃~
你睇我攞左幾多野！哈哈~ 對面果個係美寧既，最飽肚就係碗飯同個旦啦~ 美寧話呢餐唔飽，因為佢無吃飯~ 嘻嘻~
吃完個早餐，我地就 check-out 啦，之後向櫻島出發 … 呢一日係旅程入面最唔好天既一朝啦，一早就落雨啦~
由鹿兒島去櫻島係需要搭一程船架，車一個價，人又另計！有車牌咁耐第一次渣車上船丫~
我地就係搭呢架船啦，差 D 掛住影佢上唔到船，因為我地一上船佢就開啦~
我地排最尾啦~
天氣認真麻麻 …
泊好架車，可以行上樓上架 … 我地當然唔執輸上去影下相啦~
船程大約十五分鐘，佢 D 廣播有日文，英文仲有普通話架，唔使驚唔知佢講乜啦~
差唔多到既時候，佢會廣播叫你地落去開車架啦，跟住指示，落船俾錢啦！
話咁快就到左櫻島啦，我地第一個影點係恐龍公園
上到去，見到只得一架車，入面有一對男女，一見到我地佢地就開車走啦
！
其實個公園無咩特別，叫做到此一遊啦，可能好天 D 同多人 D 會好玩 D 啦！
軒：「哇 … 好高呀~ 好彩佢係吃草架唧~」
軒：「救命呀 … 我咁大個頭你都吃得落！？」
美寧：「快 D 嘔番文軒個頭出黎呀 ~ ~ ~ 」
由於天氣又唔太好，又好凍又無人既關係，我地無行晒成個公園呀，離遠影幾張相當玩左啦~
衝衝的黎，衝衝的走，向世界出發~ 向「湯之平展望出發」
沿路都係上山既路，上到山，落雪啦~
後面就係櫻島火山啦，佢係一活火出黎架，所以唔似阿蘇火山咁可以上去望佢個火山口，睇真 D 山頂 D 霧，其實係火山發出黎既煙黎架，有人講過佢可能會響呢幾年再爆發，唔知係咪真架呢？
你睇 … 大風到呢 ~ ~
佢有一間小小既商店有野賣，仲可以上一層望個 360 度全景，可以望香過去鹿兒島~不過都係火山吸引 D！
聽聞以前櫻島真係一個島黎架，因為上一次爆發 D 溶岩流左出黎之後就同另一邊連埋左，所以我地只需要搭一次船就得啦！
地下有一張全櫻島個樣既地圖~
大概逗留左 30 分鐘左右啦，我地就走 looo … 雪都開始停啦~ 我地下一個目的地 … 宮崎既青島！
原來今朝諗住入埋油先過櫻島既，可惜又落雨又搵唔到平油站，所以唯有過左櫻島先啦，就響呢個時候，架車肚餓啦~ 要餵佢啦 .. 一路行呀行 … 於有油站啦.. 不過都好貴呀.. 107円一公升，不過都要入架啦~
行左 435.9 公里入第一次油，好似行起上黎都要七毫幾子呀，咪同香港差唔多？下次一定要搵間平 D 先入啦！
入完油，繼續向宮崎出發~
<<續>>