再戰九州2009 (第一天 10Jan)-香港、熊本

我返黎啦 … 真係好開心呀~ 過左七日無咩壓力既假期呀~

由於 D 円真係好貴，過到去果邊 D 野又好似加左 D 價，所以就算話新年大減價有好多野都仲貴過香港，所以都無乜買野~ 哈哈~ 美寧話 … 「下次再買囉！」

我地兩個晨咁早就到左機場 check-in 啦，仲有大把時間可以入去大家樂吃個早餐

之前睇人地 D Blog 話要搭車先可以上飛機，唔知點解我上次有得行登機橋

我今次終於都可以試下搭車上機啦

接駁車

行啦行啦 … 都幾大風架播！

準時 0850 就起飛啦 …

飛機餐我地兩個都叫左點心丫 … 都過得去架喎~

飛左三個幾鐘，比預計時間早左十五分鐘左右就到啦！

我地又見面啦 … … 一年無見，你近來好嘛？

一落機攞完行李，我地就搭車返過去國內線機場，再行過對面攞車啦，真係好近好方便！用左 28000円，book 左架萬事得 1300cc ，頭尾加埋六日 Full Day！

上年我果架係 Demio，今年 … 係新款 Demio … 我鐘意舊款多 D ，因為新款個後座坐位唔可以郁，攪到個車尾箱唔夠放兩個行李丫 ~

攪左一輪手續，1340 準時出發 … 第一個目的地 ==> 熊本

當經過第一個 SA 既時候，我地就兜左入去啦 … 因為上次行程比較趕，所以一個 SA 都無入過 …

今次聽左好多人話 SA 果 D 都有好多野行，所以就入去睇下啦~

真係一間百貨咁，有得吃有野買，基本上好多手信都可以響呢 D 地方買~

我地既日本第一餐~

呢一架就係陪左我地七日六夜既車啦 … 渣果日都幾靚仔架，不過還果日就 …

行左大概兩個幾鐘啦，我地每見 SA 都入去八下，PA 就可以不理啦~

由於個 GPS 搵唔到今晚果間酒店，又係四圍搵既時候啦~ 今次醒啦，一早印定個地圖先去，俾我地兜兜下就搵到間酒店啦，多得美寧做導航員咋

我地今晚住既係 天然温泉　六花の湯　ドーミーイン熊本

泊好車，第一件事放好行李，影下相就出街行下先啦！

無想像之中咁多野行，行過見到 D 化妝品 … 打左七折都仲貴過香港買，慘

行左一陣都日落啦，呢邊勁早日落，基本上五點半左右就黑晒啦

遠眺熊本城，無入過去呀，因為上次去左小倉城啦

之後肚餓去左呢間野吃拉麵~

叫左呢兩碗拉麵同一碟餃子，吃吃下 .. 隔離黎左一抬香港人丫 .. 哈哈~

吃完就慢慢行返酒店啦 ..

抖左一陣，估唔到佢有得浸 … 咁當然上去浸下啦 …

浸完好早就訓啦 … 平平安安咁就過左第一日啦！

後感：

開頭以為熊本都有 D 野岩美寧行，點知真係無乜野好睇！失望！間酒店個價好平，估唔到都有個得泡下湯，真係一個驚喜！預先上 YAHOO 計定行車時間，好預好多， D 時間都幾準！全程 Jalan 訂酒店，都好方便！

是日使費：

租車 … 28,000円

酒店 + 泊車 … 5,900円 + 1,000円

路費 … 2,500円

拉面+餃子 … 1,650円