第六天 (博多 = 香港)

今日係最後一日啦，實在太支力，都係九點左右先起到身，哈哈 ~

都係食左例牌既早餐，今日一次食夠 4 件 .. 呵呵 ~ 好味

真係每間酒店都有呢 d 卡仔攞架 … 唔知點解我第一日會見唔到架？

吃完野，上房執晒所有行裝，就落樓 check-out 啦，寄存行理 .. 轉頭再番去攞

都係轉落去地下街同博多駅商店街行下 … 見到呢 d 專賣車飛同戲飛既鋪頭~

去熊本要 1980yen 一位 .. 咁渣車好似抵 d 喎 .. 又唔使預時間又唔使轉車

行下行下 … 原來呢樹都有一蘭，不過我地吃飽啦 … 下次要黎過啦

行左一陣，買左 d 野，就回酒店攞番我地兩個俾蜘蛛網網住既行李啦~

走 luuuuuuuuuuuuuuu … 再見喇東橫博多口駅前 … 有機會再見啦~

之後拉住我地既行李 .. 去搭番 250円地鐵去機場啦~

再見喇博多駅 ~

睇唔睇到個時間？你估下我地坐幾多點機？係 14:05 呀 .. 你都咪話唔驚~

到啦到啦 .. 要行快步先得啦~

天就係咁鏡意作弄人 … 我地到步後第一時間飛過去搭車 .. 點知 … 睇住佢走

我地就係 miss 左 12:36 果班車啦 .. 要等到 12:51 呀 ..不過都好既 .. 俾 d 時間我地影下相

我地又見面啦巴士 …

上到車，好大個牌話呢日溫度係 7 度 … 其實都幾凍架 …

一落車就飛去搭電梯 … 響三樓 … 都係天意弄人 … 越心急架電梯就越行得慢既

一到三樓，就見到 KA 係去 G check-in，不過 … 個 G 俾好多野圍住 …

原來係要搵個檢查位 .. scan 左行理先入去 check-in 架，真係大鄉理啦~

check-in 呢個人係講英文 … 佢開頭話我地咁遲 check-in … 可能無餐吃 … 因為我地 d 飛係無日期既 … 不過攪攪下 .. 佢又話應該安排到 .. 太好啦~ 留意住呢位先生

我地搭 KA317 …

過海關 .. 影左一張相 .. 之後俾人鬧 .. 哈哈 ~ 大膽~

過完之後就出境啦 … 再見喇福岡 …

我地搭果架飛機，返黎呢架好似細架過黎果陣果架咁既~

55 號閘口 .. 要走啦~

認唔認得佢？無錯 … 就係頭先 Check-in 果個人喇 … 入到禁區又見到佢~ 哈哈~

行到去飛機門口 .. 又見到佢 .. 神出鬼沒 … 可能因為響香港係做開機場，覺得呢 d post 應該係由唔同人做，所以覺得佢好勤力，哈哈~

飛機郁啦 … 好多人同我地講再見啊 … 再見喇福岡 … 再見喇日本 ~ ~ ~

坐左一陣 … 首先有得吃既係 … Nuts. . .

是日餐單：

魚柳：味道唔錯

豬排：都好好味

吃完，訓一陣就到啦 … 真係好唔捨得 .. 好似發左場夢咁 … 咁快就完啦

到啦 … 日落 loooooooo …… 返到香港 looooooooo ……

攞埋行李， 呢個假期就完啦 … 要開始計劃去第二度啦~~ 哈哈哈 ~

是日使費：

地下鐵往機場： 250円 x 2 = 500円