經過左第一日初到貴境拾下拾下之後，第二日好好多囉啦 (雖然仲係迷路)
一早七點幾入點起身，梳洗一下就落樓下吃早餐啦
早餐時間係 0700 – 0930，有幾款飯團揀，有湯有茶
呢個係美寧既早餐，我果個？由於都仲未好習慣，我只係吃左兩舊飯，所以唔貼出黎啦
吃完早餐，由於今日打算會上火山，所以就響酒店大堂個電腦上網睇下火山今日天氣好唔好喇，點知佢話大霧，暫時唔上得不過果陣都仲早，係唔係都過去望下先啦~
之後 check 埋 out，我地就拖住兩個行理，開始我地今日驚險既旅程啦
(初時真係唔知會咁驚險)
跟據尋日搵定既路，離開酒店穿過 JR 博多站好快就去到租車公司啦！
簽好晒 d 野，俾左錢租 4 日車，就同個職員一齊出去 check 下部車啦，佢會帶你行架車一個圈，睇下有咩位置係花左凹左，會有一張紙記低既，之後一人一份，佢俾埋 GPS 既教學俾你，咁就禮成 … 上車玩 GPS 啦
GPS 真係好方便，輸入個電話號碼好多野都搵到，係呀 … 好多搵到咋，仲有好多搵唔到架 之後你就知 …
佢有五個選項：推介、有料優先、一般、距離優先同料金節約。
同事 P 的溫馨提示：記住燒定 CD 去聽，唔係會悶死
由於呢一程我地唔知個時間會係點，所以就揀左有料優先，一出去就上高速不停踩 我地第一個目的地 …. 草千里
沿途風景優美，開頭都仲有少少雨，慢慢開始好天啦，應該可以上到火山口睇下既
車程大概係兩個半鐘左右啦，由博多開車好快就上左高速，之後就只有間唔中停下車攞飛同俾錢，直至到左熊本，架車開始要停下燈，咁我可以欣賞下 d 風景同影下相啦！
由於個 GPS 設定時我只係設定左去一個山腳既唔知咩地方，不過唔緊要，因為去到附近，好大個牌指住火山口點去，所以呢一程車 … 好快就去到目的地草千里喇
響差不多到草千里之前，有一個地方兩邊都可以泊車影下相既，我地當然都唔執輸，落車影下啦 … 唔落由自可 …一落 … 凍到阿媽都唔認得，真係咁大個仔未試過咁凍，成個人都震晒，集手好似唔係我自己咁呀！哈哈 … 睇番 DV 拍果陣都係勁震 … 好好笑
地下仲結緊冰架
呢個不停出煙既就係阿蘇火山口啦！
響另一邊影既相都好靚架
果樹有塊版話晒你知你依家邊，前面望到既係叫咩山！火山口就係響中岳既，佢仲有幅圖話埋你知點行添！
呢架就係我架車啦，第一日仲好靚仔架，之後就 … … …
之後泊過對面影多張 … 作為留念
影左一陣相，凍左一輪，我地坐番上車第一時間就係開個暖氣暖番陣先啦
暖完，定左神，就繼續行程啦
<<待續>>
阿蘇火山好靚咼
係呀 … 之前成日話人地 d 相似 wallpaper …
今次自己終於可以去一 d 咁靚既地方啦
你可唔可以update得快少少呢..我星期5出發呀! 哈哈哈…
我地都係由博多渣車去別府再落阿蘇山!
係呢, 你地揾邊度book車?
我響呢樹 book 車架：
http://www2.tocoo.jp/?file=rentcar_inbound/branch&id=03250&prefecture=40
咁你既路程咪岩岩同我相反囉？ 哈哈 .. 我會努力 update 架啦
我6月都會去，我想問你點樣上網租車？
我響下個網站租架~ 叫做 tocoo …
入到去睇下你想租咩牌子，佢會俾d 分店資料你架啦~
租萬事得係最抵架
有時如果時間岩佢會有 d 週末優惠…我租果陣係冬季優惠…
4000yen 一日~
你都係去福岡呀？
你好！
我會在1月尾去九洲呀！
我想問一問那時的天氣是否仍然很凍？要著羽X(<–唔識打！)嗎？
謝！
睇下你去邊啦 … 我二月中去有 d 地方仲係好凍~
例如阿蘇 … 由布院 … 九重 …
你預計一 d 高既地方就會凍架啦 … 仲會落雪架~ 我去別[府果日都有飄雪 … 好正~
你一月尾 … 帶定啦 … 一定用得著 … 我果陣都用得著~ 呵呵~
Hi 之前去九州, 我都有參考過你的行程 , 睇到呢度認得你哋.
你哋下年又plan去九州 , 查實日本大把好地方,點解你又去九州
夏天北海道都係唔錯的選擇
係呀 … 北海道係好好 .. 不過太貴啦…
去九州既原因係因為 … 我女朋友可以出到平少少去九州既機票 … 既然依家有得慳當然慳左先啦，遲 d 無得出平機票先再去北海道~~ 同埋旺季 d 平機票會上唔到飛機 … 所以 … 將就下囉 .. 橫掂九州都仲未玩晒 .. 呵呵呵~