第三天 (一) – 由布院、九重”夢”大吊橋

訓左一覺好既，起身好乾同好凍，可能間房太大，個暖氣唔多夠力同埋無放濕機！

本來都未係咁醒架，不過一望出窗 … 醒晒

成地舖滿雪呀 … 勁靚即係二話不說走去梳洗一下，攞個相機就出去影相啦

間間屋既屋頂都舖左一層雪，同尋晚直頭係兩個感覺連架車都 … …

影左一輪相，返房執下野，就過番本館吃早餐啦

尋晚太黑啦，影唔到 d 咩相，今朝補影番 … 呢個就係尋晚吃燒烤同呢日吃早餐既地方啦

兩個一樣既早餐，仲有一碗飯同麵士湯，原來日本早餐係唔岩我吃架開頭仲以為隻旦係熟既添 … 原來生架

吃飽早餐，執埋晒 d 野上車，check-out 啦再見喇由布院！

由於九重”夢”大吊橋個網頁都講左佢個電話 GPS 係搵唔到佢個地址，所以都有定心理準備去到要搵路架喇，所以話 set 個 GPS 去到果附近再問下人啦！

響途中見到呢個展望台，但係實在太大雪，所以無落車睇啊 …

過左望台，真係唔知自己去左邊啦，一路向前行又兜左一陣，開始見到路邊有路牌啦！

不過見到路唔代表去得到 .. 都係要問下人先得，哈哈~

最後兜左幾兜 d 小路，終於到啦 … 本來我係諗住去南邊入口既，不過唔知點解兜兜下去左北方入口，不過都錯有錯著，因為北方入口係無野行既，南邊先有商店買手信，對於心理上你就會好想行過南邊睇下 … 如果一泊車就響南邊 … 行到去北邊一定好失望啦

首先就梗係要買兩張飛啦 … 500yen 一張 .. 包來回自己行佢開放時間係會唔同架，應該係因為日出同日落既時間每個季節唔同，所以開放既時間就唔同啦！

行到上吊橋，兩邊都好以幅畫咁呀 … 白雪雪 … 仲落住雪添

過到對面 ..有兩個好大既木頭 ….

呢個就係南邊入口：

行完橋 .. 響南邊呢邊有間「九風堂」係買手信同野食既，地都買左 d 手信同飯團一陣上車吃，因為都差不多十二點幾啦

呢邊個停車場大好多 … 北方果邊只可泊二十至三十架左右既車咋 …

走啦 .. 返去北方之前當然都要影相留念 … 到此一遊啦

之後上番車， set 好個 GPS 就開車走啦 … 點知 …

由於落好大雪，回程 GPS 叫我行果條路開始有雪 …一上斜路就中招啦 … 上唔到 … 一踩油個車尾就打行 … 心諗 … 點算好呢？誰不知後面有車跟黎 … 個日本人一落車就話幫我手推 … 咁我就唯有聽佢話啦 … 話晒佢都應該有經驗過我 … 佢用盡九牛二虎之力幫我推 .. 我就踩油 … 最後都平安過左果一個有少少雪既路，不過兩條後軚蝕晒啦 … 無陰公

諗住過左一關就平安啦 …誰不知 … …

條路變左咁 … 點行喎好彩 … 租車果陣個姐姐俾左盒鐵鏈我 …

拆左出黎 …發覺 … 唔識用

好彩 … 後面有同伴同我一樣咋 …..佢都攪左好耐都好似未掂~

最後 … 我諗完再諗 ..再諗 .. 再諗 … 算啦 … 上車望下個 GPS，好似有另一條路 …

執好晒 d 晒 .. 入返個後波走人 … 呢 d 咁既經歷 … 香港真係唔會遇到啦

沿途車去別府，又有撞車又有翻車 … 真係落雪要小心渣車啦 …

<<待續>>