行完六個地獄，都真係差不多五點啦，唔好唔記得仲要行番上斜攞車 … 呢獲真係蠢一次記一世
呢晚住果間酒店叫做「シーサイドホテル美松 大江亭」，15000yen 一個人，包朝夕食同浸溫泉，由於都係一間大酒店，所以 GPS 真頭去到門口，如果間間都係咁你話幾咁好
一去到 … 竟然有代客泊車 … 真係估佢唔到！入到去 check-in，問左我地響邊樹黎，叫我地坐左一陣 … 有一個識講國語既服務員行埋黎問我地諗住幾點晚飯，哇 … 好親切呀 … 服務真係一流 …不過我只係見過果個姐姐一次 …
入到房，放好 d 野，我就梗係攪下 d 高科技野啦 … 高清電視呀
間房有個露台仔 .. 有兩張椅 … 有梳妝台同風筒
響個窗望出去 .. 你就會見到 … …
一望無際既海景！
坐左一陣，由於我地叫佢七點開飯 … 上到房都六點七八個字..等下等下就入黎開飯啦~
佢攪左一輪 … 攪掂 … 今晚呢餐叫做「河豚三昧」 … 我諗係食河豚掛
咁鬼多野，當然都係吃唔晒啦，今次無得打包啦 …
由於我地趕住出去行下街街既關係，所以同佢講左聲我地就走啦
原本要等佢執埋枱然後幫我地舖牀架，真係等唔到啦 … 一落樓就囉番車匙四圍兜啦~
渣住架車 .. 呢樹兜下果樹又兜下 … 兜左去一間超市，好多野賣，美寧買左件褸都係1990yen，好輕、好暖啊
行到十點零十一點，大家都支力啦，渣番架車返酒店，試定個 GPS 聽日要去既地方，咁就回酒店換衫 … 去浸溫泉啦
呢個係室內風呂，我地只係響門口影左相，無浸過 … 我地上左天台浸露天風呂，吾知點解，十一點幾都仲咁多人浸 … 攪到影唔到相 …
浸完返房 ..其實一早佢經己舖好被舖 …
經過今日又緊張，又剌激既旅程 … 一訓上去就訓著左啦
是日使費：
“夢”吊橋入場費 … 1000yen
別府地獄 … 3600yen
大江亭酒店 … 30300yen (300yen 入湯稅)
本來想去八地獄睇下，好彩黎睇睇，咁我就唔嘥時間，多謝你地的資料。
哈哈 … 都可以咁講 …
我因為未去過就去見識下囉~ 不過如果響第二樹睇過 d 咁上下既話..真係可以唔去~ 睇一次就囉~