我地離開左 Outlet，響 GPS 度篤去神戶港，無電話都去到~
一去到又係見到例牌摩天輪！日本好多商場都有~
由於就黎情人節既關係，有好多裝飾都同情人節有關~
我地都唔執輸，寫番張絲帶掛上去先~
一掂到對方就會著燈架啦~
之後行左一陣~ 都好似無咩好吃咁喎~ 而且 D 鋪頭開關門啦~
對面都幾靚架~ 不過無其他網友影果 D 咁靚囉~ 哈哈~
既然呢邊無野好吃，走人啦~ 又四圍兜下~ 呢邊好似幾多野睇咁喎~ 搵位泊車先~
我地兜左去一條無乜燈既街，有平車位泊呀~
亂打亂撞又俾我地去左南京町~ 不過聽聞入面 D 野食好貴~ 行過就算啦~
有人練緊舞龍喎~ 唔知係咪遲 D 有咩喜慶呢？
終於，我地行行下見到「一風堂」~ 之前響九州食過一次架啦，覺都唔錯，今晚就佢啦！
好野﹐開餐！
日本 D 旦間間都煮得好有技術！咁食唔知有無 H5N1 架呢？
一口餃子~ 都唔錯架~
食完野再四圍行下，返番去頭先果條無燈街攞車啦~ 好彩認得路唧~
間酒店個停車場唔係響樓下架，要泊隔離個商場，然後泊車飛要俾番酒店，要出車就問佢攞番張唔使錢既飛~ 泊好車返酒店 loooo …
大堂有張海報寫住鐵人２８誕生，本應都無諗過搵佢既，不過見你咁近聽朝去探下你啦！
又入左 D 貨，都係小食果 D 囉！渣車果陣有 D 野咬下無咁悶嘛~
明天係二月三日，日本既「節分」~ 亦都係我老婆 (果陣仲係女朋友仔) 既生日，唔知會唔會有咩驚喜呢？