晨早起床~ 終於有太陽啦~ 不過我 D 戶外行程完晒喇喎~
我地先去「忘歸洞」浸浸，就去早自助早餐啦~ 好大架~ 不過無乜人~
早餐黎講，佢都好多選擇~
又係我地既第一輪！
吃飽飽上房執埋 D 野，走人~ 唔使再轉船出去攞車 D 時間真係好就~
今日我地既行程係由勝浦一直渣車上神戶，上網睇過要大概四個鐘~
我地差不多十點出發~ 時間好似有 D 趕 … 點解？因為要趕去吃神戶牛午餐呀~ 兩點半就無架啦~
沿途經過橋杭岩，尋日係呢 D 天氣就好啦~
串本海中展望塔，我地無入去呀，因為海洋公園應該多魚過佢掛？
我地一直走一直走，中途停下休息站抖下，差不多兩點就到神戶啦~ 不過仲要搵車位喎！
好多謝菇高果個街景地圖，令到我可以去之前望定邊樹有停車場，有時仲可以格埋價添！泊靚仔架車，跑過去啦~ 去到好似兩點兩三個字啦~ 仲有得吃呀~
我地去左「ステーキランド ＫＯＢＥ」，一黎有網友去過都話唔錯，二黎易搵，三黎都算平，午餐 2980円咋 (同一個 SET 晚餐 4980円)，都叫做吃過神戶牛柳啦~
入面有好多牌~
唔知講乜~
人地就尾聲，我地就等開餐~
佈陣啦~ 其實果一刻都幾肚餓~
我地一人叫左一個 SET，好其待呀
炒炒炒、切切切、轉轉轉~
上碟啦上碟啦~
好香呀~
我唔客氣啦~ 你地無得食~
吃飽飽，可以慢慢四圍行下啦~
其實都無咩好行，又無咩好買，哈哈~
響日本泊車真係要記住幾點泊車同埋要眼金金咁望清楚收費！因為佢 D 收費全部都唔同，有 D 二十分鐘計，有 D 半個鐘計，有 D 一個鐘計，有好多都有時限，有 D 日抖平 D，有 D 夜晚平 D！通常橫街 D 停車位平 D，有 D 車場可以得一個位，死未！
就岩個時間，我地就攞番架車去「北野異人館」啦！