凍完一大餐，第一件事就當然係 … 醫肚啦！
經過一間超市，即刻入去睇下有咩吃啦！
D 購物車有得俾小朋友玩，幾得意！
掃貨呀~ 見平就要買定啦，次次見平唔買之後要買貴野！ (最後呢兩個麵好似帶左回香港)
我們的午餐，六舊飯 + 兩兜魚！仲落緊好大雨呀，吹到架車都郁下郁下
吃飽飽，再去吹風~ 沿路會經過「橋杭岩」~
聽講係話 D 石頭排到好似條橋咁，係俾 D 神仙用架喎~ 日本人真係好識諗 D 野出黎令到呢 D 變成景點！都係到此一遊影張相走人啦！
我地真係命苦，睇風景都要風吹雨打！
再渣多一個鐘車左右，我地就會到今日最後一個景點，那智大瀧同神社啦！
我地途經上山果條路係咁架~ 左轉右轉左轉右轉~ 不過呢個都算小事啦~ 日本好多路都係咁！
到啦到啦~ 果度有好多唔同價錢既停車場~ 我地兜完一次之後~ 竟然搵到個唔使錢既位~ 泊低架車~ 先去睇那智大瀧~
佢既賣點係：高
角度好似差左少少~ 下次再努力~
由頭先舊石落到去睇大瀧，係要行落呢條樓梯架~
仲未完~ 要行上那智大社~ 仲要行~
行左一半啦~
慘過去拜山！腳都軟埋~
終於到啦~ 我地沿路得都只係得一對母囡同行，仲以為上面會靜英英添~ 原來都仲有班後生仔既~
祈福牌~
見班年青人寫完 D 牌走入個樹洞喎~
我地都試下先~ 其實係我老婆試~ 我驚入唔到嘛~
寫完牌仔 … 出發~ (都唔知棵樹識唔識睇中文~)
老婆出黎後話入要都好大，我應該都入到~ 諗諗下，張寶仔洞我都入到啦~ 唔係好肥唧~
熊野那智大社，到此一遊！
之後發覺~ 原來有條好行 D 既路！好彩咋，如果得頭先條路我真係驚腳軟碌番落去！
終於行完晒 D 樓梯啦~ 黎張合照先啦~
仲要行落斜路底攞車~
簡直就係辛勞既一天！風吹、雨打、捱凍、行樓梯，上山下海咩都做暈咁濟啦！呢 D 我諗就係傳說中既「有自唔在攞苦黎辛」啦~
攞番架車~ 就向我地今晚入住既酒店 – 「勝浦温泉 ホテル浦島」進發啦！