繼續我地既行程~ 買左兩張 890円 車飛之後，我地快手快腳咁落月台啦~
左望右望，睇真 D 邊架係急行就入去啦
~ 因為睇過有網友話搭錯車要俾多 500円果五分鐘！
搭左差不多 45 分鐘，到站啦~ 我地黎到難波啦~ 由於我驚如果行地下街我會唔知自己去左邊既關係，我地一出站就行出去 D 見到天既地方先，再用我上網睇過既有限記憶幫自己定左位先
~ 第一件事就當然係搵左酒店放低野先啦~
果陣應該係一點左右 … 勁多人~
響我地差唔多到酒店既途中~ 見到呢 D 鋪頭~
俾個近鐘你望下~
之後再行唔使幾分鐘就到酒店啦~ 我地只係響呢間酒店住一晚唧，6600円！我稱佢為「咸濕酒店」~ 不過我個人覺得都可以，因為都好近有野行既地方~
咁早當然係無得 CHECKIN 啦~ 寄存左行李，我地就出發去黑門市場啦~ 行左 5 分鐘左右，過左兩條馬路就到啦~
入面真係一個街市，我地都唔係行左好耐~
呢個就係我地響日本既第一餐啦~ 係響一間叫做 … 唔記得左三咩啦~ 總之你去到就會見到，因為好多人都介紹過~ 可以坐響入面食埋既~
樣樣都好好吃~ 隔離枱坐既都係一對香港情侶~ 價錢絕對可以接受！
吃完之後我地就爭取時間，響附返既「日本橋駅」搭地下鐵去「谷町四丁目駅」，向下一個目的地「大阪城」進發啦~！
出左站行 10 分鐘左右就到啦~ (今個旅程 iPhone 個指南針幫左我好多~)
好大既護城河~
仲有呠呠火車~ 不過我地無搭到~
仲有狗~
當然唔少得有野吃！不過好貴~
仲有青年幫人素描~
終於行到去啦~ 由於聽聞「大阪城」係重建出黎既，所以入面係有電梯搭既~！
一人 600円 入場~
搭電梯好似上到 5 樓 .. 要望出去的話要行到去 8 樓~
去到日本叫人幫手影張相真係唔係難事！
之後我地仲行番落地下~ 其實入面都好多野睇既！當然唔少得~
我都唔記得響邊層吸架啦~之後走人 loooooo……
出番去見到有人表演 … … 果然係高難度動作呀下~
一邊食住由香港空運到日本既熱浪~ 一邊影多張相留念先~
吃完香港熱浪，我地就行左去「森丿宮駅」搭中央線過去大阪港啦~ 其實都可以行去「谷町四丁目駅」既，因為佢都係中央線！
落左車，我地既目的地係海遊館同天保山商場！好易搵，地鐵有指示，落左橋一路直行就得架啦
~ 緣途我地仲一人飲左一罐熱粟米湯，好美味呀~ 仲暖笠笠添~ 之後就成日飲啦~ 真係會上癮架~
見到摩天輪，即係到啦~
呢個就係好聞名既海遊館啦，不過我地無入到去呀，因為價錢唔平同埋聽聞都只係得一個好大既魚缸！
同企鵝影張相留念就算啦~
之後行左入隔離既天保山商場，入面有一條好多野吃既食街！
行完其實都開始天黑啦，日本冬天真係好早就黑！我地行返去搭地鐵返難波~
第一晚既道頓堀真係勁多人~ 可能因為係星期六啦~
酒店門口既石像！不過唔係我住果間~ 個相機係認到佢個面~ 認唔到我個面~
行下行下就到左「必影位」啦~
之後響隔離吃左兩隻蟹腳，500円~ 都幾貴~ 不過都幾好味~
再行前 D 吃左人地話好出名既赤鬼小丸子~
我地覺得~ ~ ~ 名多於實~ 哈哈~ 不過都可以既~ 每個人口味都唔同嘛！
最後就入左一間野吃燒烤~ D 野食 … 唔係好得~ 佢係響赤鬼果邊既~ 有機會都唔使試喇~ 失望~ 都係果次響福岡既燒肉多牛最好吃~
之後左去後面既「激安之殿堂」行個圈，就返咸濕酒啦，因為要準備聽日開始既自駕遊啦~
