關西遊 – 第一天 (一) – 香港、関西空港、難波

開始啦、開始啦~

今次呢個旅程，可以話係我去咁多次旅行最緊張既一個！其中包括好多野，遲下你就知架喇！

第一樣最緊張既事，當然就係飛機啦

~ 因為上網睇得太多關於印航既野，同埋我起飛前一個星期佢 Delay 左足足 18 個鐘，你都咪話唔驚！

真真正正「倒塔」咁早，我地兩個 0430 就搭的士出發去機場啦~ 臨出門口前再上機場網頁睇下，無話 Delay 喎，安心左一半啦~

去到 check-in 過關，到閘口見到架飛機到左啦~ 好開心呀~

由於印度航空收到有恐佈襲擊既關係，所以我地入左閘口都仲要查多次身上面既野同埋個袋，起飛既時間係 0700 … 大阪我黎啦~

上機無耐就吃早餐啦~ 無得揀，得一款奄列，不過唔知點解入面係一 D 梅，個味怪怪的，不過我都吃晒~ 其他既都無乜特別，係個牛角飽特別硬囉~ 都唔係網友講到完全入唔到口既~

之後空姐叫我地落晒 D 窗，全體一齊訓覺

經過左三個幾鐘既旅程，我地到步啦~ 由於時間緊迫，所以無點影相，一支箭咁標去搭南電鐵~ 因為佢 14 分 同 44 分有急行車~ 幾大都趕啦~ 因為搭普通車多好多個站！

記住，如果搭鐵路，出左黎要上一層再行過前面，JR 同南海電鐵只響格離，紅色係南海，藍色係 JR！通常住難波就搭南海，梅田就搭 JR！

車費係每位 890円(邊行邊影係咁上下)，分普通同急行，仲有種特急係藍色車身，編好位既貴 500円，但係只係快急行 5 分鐘，自己睇下需唔需要買呢 5 分鐘啦！

只需一程車，就去到我地第一日落腳既地方 … … 「難波」啦~