<<關於有料道路>>
「有料」即係要俾錢
，有料道路唔一定係高速公路，可以係得一條綫嘅山路
，而高速公路又唔一定有料
。有料道路一般會較為慳時間
，點到點，簡單啲黎講就係「用錢買時間」有啲高速公路嘅收據你一定要收好 ，例如「関西空港」出黎往大阪方向咁，有啲收費站會問你攞返上一個收費站張收據，然後打個印，就可以免左呢個收費站嘅料金喇
小編試過跌左100円落地下要開門執，都幾魚皮😜
<<關於 ETC>>
ETC 即係 AUTOTOLL
，自動俾錢過有料道路，除非租車時有優惠包埋，如果唔係一般按日計算租金，最好早啲通知租車公司你需要，如果取車先話租有時會無貨
。小編都係為租車計劃包埋用過
，原因係小編鍾意慢遊
，有時時間預多啲 ，行下國度，話唔定有驚喜
(最驚喜一定係塞車
)！
ETC 有時會比正常收費平少少，但係佢需要俾租金
，自己要衡量一下點先適合自己，小編就覺得插下信用咭，同啲叔叔講下「阿哩架惰個渣衣媽匙」都係一種體驗
！而且 ETC 於還車時需要做結算，所以如果還完車有下埸又或者趕飛機的話，記住留多少少時間俾自己💡
提醒💡：有時「ETC」會同「一般」埋同一條線，如果你係想用「ETC」的話就記住唔好跟咁貼，萬一荍面果架唔係用 ETC 會車你都唔會鍚佢一啖😘
<<關於有料道路 PASS>>
唔同區域有唔同嘅 PASS，例如北海道有 HEP、東北有 TEP、中部有 CEP 、中国四国有 SEP、九州有 KEP。不過無論咩 PASS，首先你要有 ETC 咭
，然後按自己再用嘅日數買 PASS，日數要連續，唔可以第一同第四日用，呢個情況你就要買四日喇。
之後要注意嘅就係，PASS 所適用嘅區堿，就算話某地區會包都好，總會有啲區堿唔包
，如果響呢啲唔包嘅區堿進出左，可能要俾好多額外路費，得不償失。
例如你入嘅料金所同出嘅料金所都係唔包，但係中間果段係包的話，需要上左料金所，去到包嘅區堿出一出再入番，而之後去到差不多完嘅最後料金所又出一出去再入番，咁就只需俾頭同尾 PASS 唔包嘅料金，而中間一段 PASS 包左唔需要額外俾錢喇。
係咪聽到都覺得煩呢！如果你係會不停遊走某區域而肯肯定佢包，PASS 係一個不錯嘅選擇；如果講緊路程唔多，又唔會成日行有料，就真係要自己計下數買唔買得過喇
<<關於JCT>>
JCT 即係交匯處，經過都要好小心，入錯線有時要行多一頭半個鐘先兜得返啱，有時會有五六條線，選定要行邊條：有時得兩條線但係有幾個唔同出口🔱小編都久唔久會入，不過最緊要記住，條條大路通羅馬，錯左唔緊要架，兜多陣好過亂切線做成意外😜