大家去日本旅行
可能都喜歡自駕遊
介招一個租車網站 – Tabirai(たびらい)
Tabirai(たびらい) 搜尋出黎嘅價錢，已經包括左基本嘅「免責補償險」
而且並無其他額外收費
簡單易用﹐係日本各地租車嘅不錯選擇。
首先佢有分中文版同日文版，你可能認為只係文字上唔同，但實際並非咁簡單
無論係中文定日文，首頁都要輸入你租車嘅資料，例如「取/還車日期」、「取/還車地點」、「車型」同「是否需要禁煙車
」，入好資料就可以搜尋喇！
小編以同一時段於「福岡空港」取/還車為例，同是於 ORIX 租五日四夜「輕車」，中文網站嘅價錢係「29,800円」
，而日文網站係「18,500円」
，我無打錯，應該都無搜尋錯，差成萬円而且所包括嘅野基本上係一模一樣架
唯一唔同嘅係，中文網站包嘅 GPS 導航一定有中文語音，但係日文網站租嘅又唔一定無中文語音囉
選好計劃，下一頁就可以選擇你有無咩其他需要，例如「嬰兒/小童坐位」，「額外加購保險」及「租 ETC 咭」等等，再檢查取/還車資料，咁就可以去確認俾錢喇
特別要留意佢嘅取消安排，有 D 七日前取消唔使賠，有 D 三日，有時優惠計劃可能又有唔同，記住要留意喇😉
<<資料補充>>
🔹只能說 95% 日文網站價錢比中文網站平😅因為有時中文網站做優惠會平過日文網站都唔定，不過我暫時未試過。(原因係小編好少睇中文網站😆)
🔹小編以前去日本過用 TOCOO 租車，不過佢價錢本身唔包括免責補償險😑，仲要另外有個TOCOO顧問費完成旅程後於信用咭扣除💸，帳面價可能平左，但係實際支出可能仲貴左😏
🔹小編本身都唔識日文😆依家有 GOOGLE 翻釋，日文網站其實都唔難明🧐，佢仲可以登記做埋會員，你過往租車記錄都可以一目了然💡，追查/取消都比較簡單，而中文網站不設會員制，每次租車要填入資料，靠電郵入面嘅密碼查詢/取消，比較麻煩。
🌏中文網站：https://tc.tabirai.net/car/
🌏日文網站：https://www.tabirai.net/car/
(截圖來自 Tabirai たびらい 網站)