【日本自駕遊資訊の行程安排編】 | 輕鬆．旅遊 | 自駕遊

<<關於方式>>
首先要了解自己同團友係點嘅人，接唔接受到每日轉酒店因為身邊有朋友話佢一入到酒店，就會將八成嘅野攞晒出黎😅極唔想日日執一次喼😆如果真係接受唔到的話，只可以好似雪花咁玩，即係咁❄一個中心點日日去唔同方向玩，不過我就覺得呢個唔係自駕遊嘅玩法

我比較鍾意兜一個圈咁玩🔄盡量避免走回頭路，去到邊，停到邊！咁就可以去到更遠嘅地方，晚晚住下唔同嘅酒店，可以睇下有無驚喜

*唔怕煩每晚都轉吓酒店🏨的話，七至八日行程去到嘅版圖可以大好多🗾*
(截圖自 Google Map)

<<關於路線>>
有朋友同小編講，上次佢去日本自駕遊，佢個朋友領隊預先上網做好搜集，甲去乙要 70 分鐘，甲去丙要 90 分鐘，佢就假設左乙去丙係 20 分鐘。結果乙去丙係要個幾兩個鐘呢個錯大家真係千其唔好犯，唔係你上幾多有料都補唔返啲時間。通常路線規劃用 Google Map 或 Navitime 計算時間已經好準確，當然每程預多 15 分鐘俾自己走盞下就更好啦

Navitime Japan 係日文網頁🎌，有圖示同簡單漢字，應該唔難用👍只需要響左上方輸入你嘅出發地同目的地，有需要加幾個經由點，再撳「檢索」就成功了🎉佢預設係用檢索當時嘅時間🕒，如果你可以俾埋日期同時間佢🕒，佢就會模擬埋你出發時嘅數據🚗，計算埋有無塞車嘅時間👍
*(截圖自* Navitime Japan)

撳「檢索」後，右邊就會出現你需要嘅地圖🗺，會顯示晒你*出發、經由同目的地*嘅路線；而左邊就係你路線嘅明細，左上係你剛才輸入嘅出發、經由同目的地，左下就係路線明細，你仲可以檢查埋行有料同無料嘅時間差，參考一下有無時間走無料慢遊一下😊
💡一般無論檢索定落到實戰嘅 GPS，都極不建議用「距離優先」🤣 呢個選項對於自駕旅遊黎講絕對係一個惡夢😵佢會點你行條險要山路，又或者無人行嘅小路，所以*「距離優先」*呢個選項你當睇佢唔到就無死😂
(截圖自 Navitime Japan)

Google Map 有一個功能叫做「你的地點」📍，去到 *Google Map* 左上選單撳開佢就會見到👍，入到去有一頁叫地圖🗺，呢度可以建立一堆你自己呢地圖🗺
*(截圖自* Google Map)

呢個地圖十分有用💡，將所有你想去嘅地方先落個標記📌然後就可以慢慢睇住個地圖去編排你嘅路線📐，同時亦可以將路線記錄埋落去，對於安排路線有好大嘅幫助👍重點係當你去到日本，萬一 GPS 搵唔到你嘅目的地，你只要上到網就可以響手機攞番個地圖出黎，用手機📱幫手導航🚗絕對可以救回不少時間⏱
*(截圖自* Google Map)

<<即興路線>>
任何情況都可能有即興嘅事情發生，企響街完成晒行程唔知做咩好🤷‍❓突然想食燒肉🔥❓邊度有100円店💴❓推介一個勁好用 APP – ロケスマ Location Smart (👈此為網頁版連結🥅) 「ロケスマ」(路畸時媽) 係一個日文 APP🎌，先唔使驚😨，小弟都唔懂日文🤷‍♂️，一樣用得到的😎佢利用定位📍，幫你搵到你身邊各式各樣嘅店鋪🏚、食肆🍣、酒店🏨甚至公園🏞，當然大前題係你要上到網啦😆

開左個 APP，就會見到各色各樣嘅分類🏷，其實睇圖示同漢字💡，都估到九成係咩來😅，篤入去仲要見到按店鋪名黎搜索添😍一啲常用同有興趣嘅類別，仲可以篤著前面粒⭐加去右下角果粒⭐添👍
(截圖自「ロケスマ」APP)

右下角粒⭐儲存左你俾左⭐嘅類別，佢仲可似俾你翻查曆史添📚，而呢度嘅分類可以自訂排序，方便放啲常用嘅上頂🔝
(截圖自「ロケスマ」APP)

當你篤入去，佢就會顯示地圖🗺，如果你有俾定位權限📍就會顯示定位週邊既店鋪🏚；呢個係我篤左入「100均」(即係 100円 💴店)入面😁，佢會顯示不同品牌嘅 100 円店😎；篤下個牌仔🚏，佢就會顯示到基本嘅資料📝，例如營業時間、地址同優惠等等😉，仲可以按下面幫你導埋航添✔，再篤個白色格格⬜，仲會導向你去果間店鋪嘅網頁💡 (唔係 100% 都店鋪都有連結去網頁😆，大型品牌多數都有嘅🤪)，入面有齊全啲嘅資料，電話📞、地址同辦公時⌚都有齊，用 GPS 入好導航揸車去又得🚗，用佢本身個路線導航行去又得🚶‍♂️，得咗👍
(截圖自「ロケスマ」APP)

<<資料補充>>

🔹無論第幾次去，行程都盡量唔好太密，慢慢玩好過走馬看花

🔹今時今日上網好重要，去到上唔到網的話真係要做多好多資料搜集先好出發

🔹「ロケスマ」本身設計都好簡單，唔會太難用，到時可能會幫到下手都唔定

發佈留言 取消回覆

發佈留言取消回覆