好開心，第一次去日本梗係要記低發生過咩事啦
我地既行程大概係咁既：
第一日： 香港 => 福岡(博多)
第二日： 博多 => 草千里 => 阿蘇火山 => 由布院溫泉酒店
第三日： 由布院溫泉 => 九重”夢”大吊橋 => 別府八地獄 =>別府溫泉酒店
第四日： 別府 => 小倉
第五日： 小倉 => 博多outlet =>天神 => 中州 => 博多
第六日： 博多 => 香港
0850 … 出發 loooooooo ……
是日飛機餐單：
個扁麵就咸左少少，個腸仔旦就唔錯
飛左三個鐘左右 … 到啦
開頭以為佢地無自動登機橋，原來響隔離就有架啦 …
落左機過完關，就當然影下個機場影啦
我都有響呢個案內所攞左幾張地圖！
呢個係我見個個去完福岡機場都總會有既，所以我都唔執輸影番張先 …
由於福岡機場係分開國際線同國內線兩個大樓，而地下鐵就響國內線果邊先有，所以一落機搭既第一樣交通工具如無意外大家都應該會係呢一架無料巴士喇！
大概 7 – 10 分鐘左右開一班，中途都有一兩個站，真係第一次去日本啦，原來做司機都唔易，要不停講野，真係辛苦 …
呢一程車如果由香港既司機揸的話，我相信五分鐘左右就可以到達目的地
但係日本司機就揸左差不多十五分鐘 … 真係安全
我地由「福岡空港」搭地鐵去「博多」站，好彩美寧之前去過日本，如果唔係我諗我都要研究一陣
由「福岡空港」 => 「博多」係 250yen 一個人，買兩張飛 … 上車
到左博多，出左地鐵，左兜右兜去左一個地下街，左串右插搵左個出口上左地面 …
但係由於
唔知自己響咩方位，所以企左響街左望望，右望望 …
諗住囉個新科技電子零件出黎玩下 GPS 定下位，誰不知個地圖同定左個位都唔 MATCH 既，好彩 … 最後搵左 15 分鐘左右就去到我地住既 Toyoko Inn(博多口站前) 啦！
我地第一晚就係住 8610yen Double Room，一張雙人床，而 Twin 就係兩張單人床！
因為 Toyoko Inn 既攞房時間係 1600，我地兩點幾就到左，所以未有房呀，可以寄存行理響佢地個大堂，之後就出去搵下聽日租車果間公司響邊啦，費事第二朝先搵丫嘛
間租車公司其實好近(依家講就好近，果日其實都搵左一陣)，只要寄過個 JR 站再轉個右就到喇，不過唔知點解我地兩個人第一次經過既時候見佢唔到，最後都係要問一 d 交通叔叔先搵到
我地就係響呢間租車公司租左架萬事得啦
搵完之後見有 d 肚仔餓，就過左隔離商場搵野吃喇見到有間壽司店，105yen 一碟，好抵喎，咁我地就入左去喇，原來係 … 元氣 .. 哈哈~ 吃左 7 碟都係 735yen，都係五十幾蚊，味道 … 好過香港好多啦
香港唔知幾時有得自己點要乜呢？
吃飽飽，四圍行左一陣，我地就番酒店攞房啦第一晚住響 501 號房，尾房呀
間房唔錯，由於我第一次去日本，佢地係第百住既酒店，所以無咩話好定唔好啦，咁大個仔第一次坐洗 Pat Pat 坐廁咋，哇哈哈 …
呢 d 就係酒店俾既，女仕俾左一袋，男仕 … 送對襪，攪笑
上左房抖左一陣，又出去行過，今次就係去搵博多運河城喇！當然都係攞住張地圖四圍搵啦 …
行左半個鐘左右(差不多啦，有少無多)，終於見到啦 ~ ~ ~
有一間姆明餐廳！
行左一陣，我地都覺得好似無咩好行同好買，所以我地就去左我地既重點 … 一蘭拉麵吃晚餐 因為聽講響運河城呢一間係總店黎~所以點都要試下！
一入到去，門口有部售票機同幾國語言既點心紙，睇下有咩岩食之後就買飛
不過其實唔使點睇，因為佢獨姑一味 … 叉燒旦拉麵，可以揀要送同唔要送，哈哈
點心紙，要乜圈乜，由湯底去到麵既硬度都有得揀
780yen 一碗
買完，睇下有無吉位，有就自己行入去 …
入到去，個個都好似探監咁對住塊布吃麵
坐低左俾晒 d 點心紙同埋用 780yen 買黎既券佢，等一陣個麵就到啦，麵一到佢就落埋塊布，我同美寧一人一格吃麵啦
睇落兜麵都幾似 … … 棺材
不過真係好好吃，連湯我都無放過，一滴不留
吃完之後，我地就慢慢咁行番酒店，沿途行下街街買下野，再去 JR 站買幾個冬甩做宵夜，早睡早起，盡備明天精采既旅程啦
是日使費：
機票：員工價 $223 一位
福岡空港 => 博多 地下鐵 250yen 一位
Toyoko Inn 8610yen 一晚
元氣 … 735yen
一蘭 … 1560yen
其他手信及小食 … 秘密
你GPS個地圖係MAPKING定其它？MAPKING 個 WEBSITE 好似無九州地圖，我五月去九州，希望攞多的料。
我個 GPS 係跟車架 .. 應該係日本自己出既，因為聽講日本用左好多錢響個道路網加左好多幫助定位既設備~ 所以入隧道果 D 佢都定到位..呵呵~
不過我用 NOKIA 果個地圖呢 … 去到日本個位唔岩囉 …
明明企響地佢都話我響海上面
我係用 MAPKING，以家上綱睇緊 GPSDASH，好似話都 OK!
NOKIA 果個 SOFTWARE MAP 好似係高度 (唔知係唔係海拔) 有二、三佰偏差！你應該係地底先啱！
人生路不熟又言語不通，咁就自由行，真係勇氣可加。
哈哈 ~ 開頭我都真係有 d 驚架 … 不過到左之後其實原來 ok 架喎 ~
我諗試過自由行就唔想跟團架啦~ 又要導遊費 … 又唔可以自己控制時間~
我下個星期去九州自駕遊，我想知道個GPS同聽CD可唔可以同時運作？還是開左GPS就唔可以聽歌？
可以同時運作的 … 玩得開心 d 啦
等睇你既遊記啦~~~
想問係咪 KA316都係停40-5x的閘口架呢？
唔係架 .. 我算好彩啦…有登機橋用~
好多網友都話係要再轉巴士過去搭架~
我打算十二月五日出發…大部份同你既行程都是一樣..
我地都會租車呀..你有沒有些有用資料給我呀..唔該晒..!!
租車公司 你choose左係邊間到shop pick up呀..
仲有我想問下..油費點計呀..?
租車我就係你果條 link 果間丫，出左火車站右轉好快就到~
不過佢只係一個鋪位仔 … 我第一次行果陣 miss 左佢… 要兜番轉頭先見到~ 哈哈~
如果你真係去夢吊橋 … 記住帶多 d 資料丫 … 用電話好似搵唔到~要搵定 d 地址 … 不過我頭先入佢個網頁依家無話 gps 搵唔到 .. 可能加左都唔定~ 不過如果你真係搵唔到 … 可入電話搵到佢果近，再自己搵下「九醉溪」or「震動之滝」 … 果為去到果附近就會有路牌~
油果方面 … 我果陣差不多一蚊港紙一公里左右啦~
如果你渣車，王防試下去公路邊果 d 休息站行下，有 d 都幾多野行架~ 我上次無行到，下次我都要去睇下~ 呵呵
係唔係係香港申請國際車牌就可以係個邊駕車啦..
上網book車可以choose地點拎車…
如果我想去你個間應該是邊到呀..??
係呀..我想去夢吊橋 …
點樣上網找地圖去呀…
九醉溪」or「震動之滝」 係夢吊橋 附近家..?電話號碼是什麼呀..
未試過係日本駕車..危唔危險…找停車場容易嗎..
係呀 … 申請左 $80 果個國際牌就可以架啦~
我果間係 Fukuoka Hakata Ekimae，好近博多站~
http://www2.tocoo.jp/?file=rentcar_inbound/branch&id=03250&prefecture=40
睇你係第幾日用車啦…如果一茖機就用就當然係機場攞車~
夢吊橋網址：
http://www.yumeooturihashi.com/
佢入面有地圖架啦~ 你去到夢吊橋見到一個大瀑布就係「震動之滝」架啦~
其實上 yahoo 打個名好多都搵到架喇~
日本渣車好安全， d 人好禮讓架 …上高速佢地會飛得好快~香港渣得掂去到一定無乜問題 … 又有 gps .. 唔使擔心喎~
停車場就基本景點都會有~ 好多酒店都會有 … 可能 500円泊一日咁囉 … 市區就真係可能要搵喇~我就會選擇泊響酒店行出去(如果近的話)~
我想問阿蘇火山點check佢個日開唔開放呀..?或者比唔比駕車呀..?
呢個頁有講~
http://www.aso.ne.jp/~volcano/i/info.html
一過就算你一早佢話入得… 去到都要睇情況 … 都好睇彩數~
不過朝早得的話下午多數都 ok 既…隨緣啦~