離開左果個又凍又大風既山坡之後，當然就係驅車直進草千里啦
要入草千里，首先就係要俾泊車費 410yen
泊低架車，我地第一件事就係 … … 搵廁所 響呢樹會有一個博物館，幾間商店同食肆，我地去完就先醫好個肚先
美寧叫左一個牛丼，我叫左一個玉子拉麵，一共1350yen，好味
牛丼：
玉子拉麵：
之後就去隔離商店買左 d 手信，去果間博物館望一望，見到要俾錢同入面 d 野好似唔多吸引，所以無入到去
然後我地就去草千里行街街喇
早排上網睇，草千里真係綠色架，好多草，仲有馬騎，又有牛睇！
去之前果個星期，有其他網友分亨，草千里變左雪千里 … 白汒汒一片！
到我去喇，黃色一大片，不過都有佢靚既地方，四週圍都有舖住一堆堆既雪，都好正，不過就真係好大風同好凍 … 行左一陣我地都上番車 … 提醒一點，好多馬屎同牛屎，哈哈哈 ~ ~ ~
番上車都係第一時間開暖氣，坐左一陣 .. 攞左我地自己張行程紙入博物館吸左兩個印，叫做有個紀念丫嘛
之後我地就驅車上火山口啦
由草千里開車到火山口都唔使十五分鐘，好近架咋！
可以選擇泊架車響山腳，然得搭呢 d 吊車上去，唔知十五定二十分鐘一班，每位 410yen
亦都可以渣埋架車上去，路費係 560yen … 抵好多
岩岩上到去果陣，見到佢閃紅燈，d 人又由個火山口跑落黎，仲以為今次上到去都無得睇添，好彩，只係因為突然大煙所以佢閃燈唧
呢個就係火山口啦 … 間唔中 d 煙唔係吹呢邊果陣會見到有 d 綠綠地色既野架
果日上到好有好多香港人，因為好多人講廣東話，哈哈 … 咁就梗係唔放過佢地啦，立即叫佢地幫我地影相啦
無人販賣，即係好似賣老翻咁放低錢攞野就走人，不過都係賣一 d 石頭之類既野唔吸引！
呢 d 一個個圓圓地既野果樹有好多個，係要黎避難架，當無啦啦好大風 d 煙吹向人群果陣 d 人就會走入去避開 d 煙架啦
影完晒相睇完野 … 又要起程去我地今晚將會住既溫泉酒店啦
今次見有 d 時間剩，諗住 GPS 試下用「料金節約」呢個選項，點知 … 中招了
一路行一路行都開始有 d 唔對路，條路越行越細條，本來人家明明行緊大路架嘛 … 點知 … 行行下 …
哈哈 ..一大架剷泥車停正響路中心 … 無法啦 .. 唯有調頭走啦 …
點知沿路出番去 .. 條路俾人用木板封左，要落車搬板，呢個經歷真係畢生難忘啦
搬完板出番黎睇 … 原來人家有寫明架 .. 哈哈 … 真係死過生啦
經過一輪咁緊張既事情，兩人都感覺到一 d 野 …. 就係 … 急尿 我地就去左呢樹解決左佢，然後再上路~~
行行下 … 奇遇又黎啦 … 飄雪啊 … 我地兩個都係第一次見咋好感動，果然有失必有得，如果唔係行呢條路上左山可能呢一日都見唔到飄雪
(張相可能睇唔到 d 雪啦)
由於呢一日係星期六，好多溫泉酒店都好貴，我地揀左一間平少少既，不過就因為山卡啦過頭， GPS 又搵佢唔到，去到附近，就搵左一個渣緊車既叔叔問路 … 佢望左個地址一陣 .. 就話：「Follow Me！」 … 我當堂躹晒躬啦 … 唔係個肚腩仔頂住我個額頭一定掂到我個膝頭唧佢帶路，我地都多差不多 5 分鐘先到，你話如果自己搵 .. 天光啦真係
就係呢間酒店啦，佢個名叫做「かいがけ温泉 きのこの里」，上網 book 既
上面呢間就係本館，我地本來都諗住係住響呢邊既點知 .. 唔係
入到去諗住 check-in，就知道乜野叫做雞同鴨講啦，哈哈~好彩我有佢地封認信響手，可以講少好多野，原定六點前要到架，不過我差不多六點半先到 .. 遲到添
入到去攪左一輪野，講低七點就吃晚餐，之後佢就帶我地去今晚住既地方喇，原來係對面馬路既一間屋
開頭行過去真係有 d 驚，四週圍都係黑麻麻，鬼影都無隻，真係好想快 d 入去訓
不過入到去 … 真係好大間屋 … 咩都齊晒，有床有煲有厠所，其實都唔錯架 … 只不過係岩岩兜錯路之後又唔認路，驚魂未定唧
同好多酒店一樣，一人送袋清潔用品：
間屋條鎖匙：
放低晒 d 野，影左一陣相，七點準時過去木館等開飯
今晚我地既晚餐係燒烤
我相信應該係唔同種類既牛肉，有兩條腸果碟最好味，連果兩條腸都唔錯，而其他其實都好正，最後吃唔晒燒完打包返房吃
吃完飯，再次同佢雞同鴨講一番，分開浸就 300yen 一個人，如果自己兩個人一個泉就 1200yen 一個鐘，其實都指手畫腳左好耐先得到呢個結果！我地就附出左 1200yen 去浸一個叫做「冬菇」既泉，由於吃完飯咩都無準備，我地急急腳跑返房要跑過黎亨用溫泉啦
浸完，好支力啦 … 講底聽朝幾點吃早餐，就回房休息啦 …
但係回到房，見到 d 野又好得意，再影多陣相先訓，嘻嘻~
枱底暖爐 .. 正 …
再放埋床舖響旁邊 … 暖笠笠咁訓啦 … 早抖
是日使費：
租車 … 16000yen (四日)
路費 … 3100yen (博多高速 600yen + 九州高速 2500yen)
草千里泊車 … 410yen
火山路費 … 560yen
溫泉旅館 … 18600yen (9300yen 一個人)
溫泉 … 1200yen
我想問你所有酒店都係你自己上網book家…??
你住係別府同布湯個兩間得唔得呀..?
係呀 … 我響 http://onpara.jp/ book 架 …
湯布院呢間都真係幾正 … 自己一間屋！只係爭在 d 人真係一 d 英文都唔識！
別府果間就一流 … 不過好貴 .. 哈哈~ 又係個識普通話既人會招呼你 .. 唔錯架~
別府個間偏唔偏遠家..?
我住果間唔遠 … 望住個海~
WOR…咁正…
因為我未試過自己book酒店呀..
所以找緊間旅行社幫手..不過你布湯院個間佢地無做..只有..
湯布院
ゆふいん七色の風 (AVALIABLE WANT GUARANTEE)
地址︰〒879-5102大分県由布市湯布院町川上1946-25
電話︰ (81) 0977-84-3333
CHECK – IN DATE : 07DEC
CHECK – OUT DATE : 08DEC
Weblink : http://www.nanairo.ne.jp/
別府個間就問緊佢地有沒有做…
我都好想去你個兩間呀..
唔好意思咁多野要問你
如果你放便可以給我email問你野呀…^^
我email係 [email protected]
多謝你嘅介紹喎，我地6個人，租左兩間屋，一大一細，細果間同你一樣，我地個GPS無問題帶到呢度！我地租日產。 我地有個朋友識講日文，老板娘話我地係第三隊去呢度嘅香港人，唔知你地係咪第一呢？佢話通常日本人同韓國人較多。 我諗果次剩係得我地，食晚飯時，得老板娘一個唔停手係度整，我地有幫佢手執下碟，我地追加左兩大塊霜降和牛，都係6千￥咋，呢餐非常正，個軟雪糕好得，好重牛奶味！ 呢度非常特別，又平又正，不過可能我不嬲比較靈敏，不過只係小事一樁，如果有機會，我都會再住呢度！
哇哈哈哈~ 你係睇完我呢樹再去 book 定咁岩 book 呢間架？
對於果陣時第一次住呢 d 既時候都有 d 驚架~ 因為間房太大啦~ 仲要四圍都無人~
唔知我係咪第一呢？不過 d 野真係好食~ 老闆娘好好人~ 你地有人識日文係唔同 d … 我果陣真係同佢個囡雞同鴨講~ 指手劃腳先掂~
我第一次渣車仲要渣架個個都話 gps 屎 d 既萬事得~ 不過勝在夠平~ 我近幾次都係渣佢~ 唯有自己準備好 d 印多 d 地圖囉~ 不過佢新車款個 gps 好似 update 左~
係睇完你個blog，加上我細妹好想住森林屋，所以咪試下咯。 Book 樂天嘅時候，其實有的麻煩，我check 過有屋，訂左4位連晚餐，再訂兩位時，竟然兩位只係得房無餐，唯有訂左先；我地係上午打去加餐，老板娘話無問題，價錢同4位一樣。 我地個set 有鮑鱼，蝦，螺，成條魚，成隻墨魚，地雞，牛肉等等，海陸空大餐，仲係佢度買左兩袋超甜自家種枇杷，每袋有十幾粒，都係250￥一袋！ 就係週圍無人，我地圍埋一齊玩，其他人都唔知嘅，完全無事，無影响。 再上一次我都係租萬事得M2，不過今次我地6個人，連行李要租架8人車，只有日產有！個GPS都係有時short short 地，有時帶我地去左附近嘅景點，咁我地順便去埋咯。成功率65%左右啦。
有人識日文係唔同 d …次次去完都話返黎學幾句去同人溝通下~ 不過次次都係無左回事~ 哈哈哈~
我去過九州 & 大阪~ 都覺得九州 d 野又平 d，d 人都好人 d … 大阪 d 人惡死好多~
你令到我好有鼓勵，原來真係有人睇我既遊記~ 我要的起心肝完成我果個未完既大阪遊先得啦~ 多謝晒你呀
咁你努力d啦！你女友以家有車牌，去旅行你唔洗揸得咁辛苦啦！ 大阪好多年前去過，無乜印像，的人應該比東京好d掛！ 北海道我都有去過，相比下，我反而中意九州多d！ 快d update 啦，下一站去邊呀？ 你最近一次去九州的相，係咪換左相機？好似好過第一次果的，用乜機呀？
..
下一站 …. 打算北海道啦~ 呵呵~
開頭用 Ricoh ~ 之後轉左用 Panasonic FX36 ~ 咁都睇得出~ 勁~
我都覺 FX36 個 AI 都唔錯~ 啱我呢 D 亂影既人~ 嘻嘻~