經過左之前咁驚險剌激，終於個人都定落黎，慢慢繼續渣車響大雪中航行
個人一定左 … 就諗食… 好彩響吊橋買左三文治同壽司 … 可以邊開車邊食 lunch
由於太大雪同條軚蝕蝕地，響雪地我都唔敢開得太快 … 直至差不多去到別府 … 無落雪啦 … 自由啦 … 呵呵呵 ~ ~ ~
由於小弟大意，事前唔記得抄定地獄既電話，所以我響呢朝早同旅館個老板娘同佢個女雞同鴨講一輪之下，攞左其中一個地獄 … 「血之泉地獄」既電話，我就係以佢黎輸入 GPS，途中經過「坊主地獄」，我上網睇過坊主地獄係八地獄其中一個，所以就兜架車入去喇~
點知去到 … 一問之下 … 原來佢唔係八地獄之一 … 點解既呢？
望住呢張地圖，諗極都唔明 …後來 … 我明喇
同呢個「坊主地獄」入口果個人傾左幾句，當然都係大家唔明大家講乜啦，但係到最後都知我地要去既八獄係要行落斜路大概十分鐘，咁就行啦 … 去到見到「海地獄」個招牌 … 行到入去就知發生咩事啦
等我解下呢一個圖 … 圖中顯示晒八個地獄，有「鬼石坊主地獄」、「海地獄」、「山地獄」、「灶地獄」、「鬼山地獄」、「白池地獄」、「血之池地獄」同「龍卷地獄」！
其中頭六個係響附近，而尾兩個就要搭一程巴士或者渣車過去！
我一睇呢塊板，再對比番頭先果個「天然坊主地獄」果塊板 … 好明顯，第一張好刻意咁無講有一個叫做「鬼石坊主地獄」，哼 … 刻意誤導，所以最後我都無去到果個「天然坊主地獄」 … 等我仲泊低左架車 … 諗住一陣再入去 … 攪到一陣要行十幾分鐘去攞車，俾人話我春虫虫
大人一個 2000yen，係套票，因為好似入一個平均都要 400yen 左右，所以套票係著數 d
仲有記住上佢地個官網 download 定張「割引券」，有九折，一人平 200yen
賣飛個姐姐話 d 套票可以用兩日，今日同聽日，所以我今日行住六個先，聽日先行埋果兩個，因為我去到果陣都三點幾，人家收五點
「海地獄」：
響呢樹睇睇下既時候，突然落左一陣雪 … 好靚 … 地面暖笠笠，天上雪飄飄
我見個個去完都有呢張相，仲以為係即場有人咁烚旦添，原來唔係架，set 死左響樹既
好多人浸足湯呀，不過太凍啦，我地都無浸到
「鬼石坊主地獄」：
呢個獄既賣點係佢 d 溫泉係泥漿既同埋佢係痴住一間可以浸溫泉既旅館，唔知入面 d 溫泉係咪都係咁架呢
呢個溫泉都有足湯
鬼之高鼾 … 係有蒸氣升上黎，串過 d 石頭發出既聲，都唔似鼻鼾聲
記住 …係「鬼石」坊主 … 唔好去錯
<<待續>>