今日係最遲起身既一日，成九點幾先起身 .. 哈哈~
今朝早餐 … 都係飯團..
由於今日晏左起身，吃完都差不多十點，由於佢係十點 check-out，所以我地就問可唔可以晏少少 check-out 啦，佢話最遲十點半，之後就開始要收錢，咁就梗係拿拿聲房執野走人啦
我去既兩間 Toyoko Inn 都有個類似既版，上面一張張既就係 Toyoko Inn 其下所有酒店既資料，一張卡講一間，有齊地址電話地圖同個外觀，記住攞番張，行完街唔識路都可以問下人丫嘛
其實今朝一早起身都見佢落雨架啦，不過唔算大，誰不知一路渣車就越落越大 …
再見啦小倉 … 我諗下次過去都唔會住一晚啦，路過都足夠行晒
自動出飛仔機，你架車行到埋去張飛就會自己彈出黎架啦~
都係攞完飛出 IC 就俾錢，呢位收錢哥哥都有少少似馬英九市長喎~
大概一個鐘左右啦 … 博多我地返黎啦 ~
我地首先渣架車去第一日住果間酒店先，因為今晚最後一晚都會住果度，於低 d 行李，我地就渣車去福岡瑪麗諾亞城，即係 outlet，哈哈~
渣車過去路費 600yen，如果搭車呢 .. 就要搭地鐵去到姪滨站再轉佢地巴士，好似好麻煩，我本來都諗住一早還左車搭車過去，不過同事 P 話渣車過去好好多，如果你都未夠鐘還車，渣過去真係好好多 ~
離遠就見到一對摩天輪啦 …
停車場好抵泊 .. 平日入去唔使錢任泊五個鐘，假日就免兩個鐘，勁抵，好過搭車好多 .. 又唔係追巴士 ..
入到去都幾靚架 .. 好多大牌子都有舖 … 都行左差不多三個鐘呀~
摩天輪，要坐就全自助型式，隔離有個自動售票機，自己俾錢買飛行入去就得架啦，不過可能果日又落兩又好凍，所以一個人都無… 哈哈~
行到一間 PanCake，就係我地既午餐啦~
我地就係叫左左手邊第一個 … 370yen
幾好味架 … 唔錯架！
吃完野，又買完野，之後就渣車走啦~ 先回酒店攞房放低岩岩買左既野~之後就去還車啦~
去到還左果樹，由於唔寄得入番油，佢地既服務員就車我地去油站入油 .. 呢一日入左二千幾 yen … 前一日其實都入左一次，果次入左四千幾 yen …加加埋埋行左 700 公里左右啦 …入左 7000yen 左右既油，差不多啦 …
呢個油站 d 油槍係半天吊架，幾得意 …
入完油果個女服務用佢好高超既技術送我地回去還車，三個字 … 快 … 狠 … 準！
開車快，過線狠，泊車準！真係自愧不如放低架車，咩都唔使簽又唔使做 ..就走得架啦，不過上網睇番原來如果有 d 咩事要罰錢的話佢會寄番張單俾我既，唔知我果兩條軚點計呢？ 呵呵呵 ~ ~ ~
還左車我地就走去搭地鐵過天神行街街啦 …
天神最出名都應該係地下街同佢果三大百貨啦 …
不過可能幾日都咁支力，去到天神真係無咩心機左行右行啦 .. 叫做到此一遊囉
本來諗住見識一下屋台既，不過兜左一陣都好似搵唔到，又開始餓啦，咁就搵野吃喇 … 見到有間「一風堂」好似唔錯 … 就入左去吃啦
入到去坐低，佢地就攞左三四個餐牌俾我地揀啦，唔同語言架，果然係做慣遊客生意，我地當然搵個中文睇啦！
我地叫左兩個 1 號 ..「豬骨拉麵(赤丸新味)」..加多個「博多一口餃子」，仲每人加多隻旦添
見到後面 d 枱佢會俾個兜你兜住 d 袋~
攪拌前：
攪拌後：變左色… 哈哈~
博多一口餃子：
一風堂迷幻厠所~
好味道， 2220yen 落樓，都幾好吃架
哈 .. 呢個鬼馬收銀機好得意 .. 佢計完數 .. 店員入左我俾幾多錢，中間個兜兜會自動找錢架
吃完野行左一陣，諗住搵屋台架，不過好似無，之前睇書仔話中州有喎，咁我地就搭車過中州搵下啦 … 其實都係想見識一下，果一刻都幾飽架喇！
行左好耐，都搵唔到屋台 … 成人商店就大把~ 聽講中州係一個夜生活既地方黎，好多「無料案內所」 .. 哈哈 … 仲好多一班班既男人添
最後，皇不天負有心人，我地搵到啦 … 有兩間咁大把 .. 唔通太早？都成八點幾啦
之後再睇番地圖，仲有好多地方有架，又有藉口下次再去過啦，呵呵 ~ ~
叫做了左個心願，太支力啦 .. 行番去地鐵站就搭車回酒店啦！
影下五日黎既手信，其實唔係買左好多咋，右下角果件褸就係響別府 1990yen 果件啦，好暖架，影完相，執好晒 d 野入行李，沖好涼涼，訓啦 … 明天就要走啦 … 好唔捨得
是日使費：
路費(小倉 => 博多) ： 1100円 + 600円 + 500円 = 2200円
路費 (來回 Outlet) ： 600円 + 600円 = 1200 円
還車前入油： 2652円
一風堂拉麵： 2220円