入完油就繼續行啦！見到有個公園係睇岩石既，又即管入去睇下囉~
背景係火山 … 定火山係背景 … 死喇 … D 讀寫障礙又黎喇~
我依家睇番，先覺得佢似一個梳左計既女人頭添~
沿途都有幾個導遊呀，可能係本地團啦 … 不過個個導遊都係著同色同款衫既？同一個集團架！？
火山既另外一邊 … 唔知乜山啦 … 都幾特別 .. 好似俾人切平左咁~
櫻島特產 …. 大~大~大~大~大~大~大~大~大~根~
睇完之後立即上車取暖啦~ 好鬼凍~ 繼續行程~
就係呢條橋，我地唔使坐船就離開左櫻島啦~
當差唔多到既時候，有兩粒波子同一杯賓池好嘈咁經過
，不過俾人阻住左，有機會俾我地影到相，如果唔係真係攞得相機黎尾燈都見唔到啦！
到啦 … 呢個就係日南海岸一帶既景點啦~ 青島係其中一個~
兩個傻人叫左個伯伯幫手影相~
軒：「個伯伯掂唔掂架？」
美寧：「應該掂架啦，佢帶住部相機架~」
軒：「果部係 D 古老單鏡相機黎架喎 … 數碼相機得唔得架？」
好大個沙灘，好大既風！ D 風吹到 D 沙響個沙灘上面行~
呢度叫做「鬼の洗濯板」，點解叫呢個名？因為佢似洗衫板囉~
D 風吹到我兩個癲雞咁 .. 哇哈哈哈~
自拍合照~
其實青島都係一個島，上面有間神社，不過唔知 D 人求乜架呢？
又見到導遊 … 不過唔靚女~ 哈哈~
參觀完呢個青島之後，我地實在俾風吹到暈暈地啦，立即就上番車走人啦~
估唔到鹿兒島落雨，呢邊可以出太陽咁正，上天對我地真係好，可惜 … 佢始終都唔係全程都對我地咁好丫~
離開青島，我地本來想渣車去睇復活島石像，點知錯過左個路口，諗住返轉頭先睇，返轉頭佢開左門啦，唯有睇少一個景點啦~ 直接前往「鵜戸神社」 (到依家都唔知「鵜」點讀)
去到神社，第一件事要做既就係 … 醫肚！
一串串燒雞 … 400円 … 卅幾蚊串串燒，不過真係幾好味~
之後再用多 500円響隔離檔口買小丸子~
熱辣辣，好好味呀 … 100円一粒 .. 真係有條魷魚鬚響入面架~
吃完呢個午餐，入去參觀啦~
<<續>>