再戰九州2009 (第四天 13Jan)-高千穗、阿蘇 (上)

都係好早就起身啦，落樓下吃個早餐之後再 check out

美寧既，今日佢話吃得飽啦~

我既，紫菜送飯都真係幾好吃架播~

攪掂晒 D 野就出發去高千穗啦~ 聽講風景好靚架播 … 唔知係咪真架呢？

攞車果陣有隻

響人地車底 .. 嘻嘻~

渣左一陣車，見到有一個唔知咩既地方，又入去望下先！

原來係「日本海軍發源之地」~ 都唔知堅定流！

不過個天都幾靚架 … 軍船就見唔到喇，見到有幾個老人家釣緊魚囉~

其實沿途都會有呢 D 自動收費既機器，拋 D 錢入去就可以行得 … 所以都無咩時間影相 … 不過今次~

軒：「大獲 ~」

美寧：「做咩事！？」

軒：「我拋左 100円落街！」 (攪到要開門落車執 … 魚爆)

美寧：「咁等我影下佢先！」

沿途過左好多橋呀~ 都幾靚架~

又過左唔知幾耐，我地到左啦！(美寧坐車坐到好悶，所以決定回港要考牌，下次到佢渣)

呢樹就係高千穗峽啦~

之前睇好多人去到都好似話天氣唔好 or 水漲會無得撐艇仔，我地一去到見到有人撐喎，即刻衝落去啦~

好多艇仔呀~ 我相信佢應該唔會一次租晒出去，因為太多船會行唔到架啦~

美寧去 Book 船啦，大個囡啦~

收費 1500円 半個鐘，咪以為好少，半個鐘夠用架啦，可以俾你撐艇仔既地方唔係好大架咋~

美寧話要餵鴨仔，所以我地就買左包糧 … 我都吃過，好甜，都幾好吃！

開船啦~ 船員名單：

船長 + 導航 = 美寧

掌舵 + 摩打 = 軒

護航 = 一大班鴨仔

出發

<<續>>