(都唔知係 Yahoo 有問題定係我公司個網有事，攪到我幾日都無得更新，人家仲有好多野要寫架嘛 … 唉~)
由於我地選擇左兜大圈，所以我地又要上高速啦~ 餵完 D 動物，當然都要餵下自己啦~ 又係去 SA 既時間啦~ 呢個係「別府灣SA」
去親 SA 好似都係拉麵烏東吸引 D，今次仲叫多個薯餅添~
有兩隻貓
響窗外面呀，仲突然落大雪，應該係避雪啦~
沿途 D 風景真係好似一幅畫咁架~
到達湯布院啦，我地做既第一件事並唔係搵酒店 … 而係搵油站~ 呢間都係貴野，我地求其入 D 夠用就算啦~再去搵間平 D 先入！
點解咁急要搵油站呢？因為我地行行下公路 … 個油表 …閃啦~
入完油 … 轉個灣就到呢間民宿啦~ 今日我地係住 山荘 鶴の湯
好住宅 Feel 架呢~
樓上望番落去~
我地間房呀~
好大架，打幾個跟斗都仲得~
條鎖匙好大條~
放落晒 D 野，我地就週圍影相啦~
有四張枱，因為佢得 4 個房架咋，呢個就係夕食同朝食既地方啦~ 我地就坐響左上角果張抬啦~
再行過隔離，就係溫泉啦~ 一個男一個女~
呢個係男湯~ 反而我無享用過
呢個係女湯~ 如果你想自己兩個人浸，你可以問下佢地得唔得！我反而有享用呢個女湯~ 呵呵
影完個民宿相之後，我地就出去行街街啦~ 一出街就見到好多人力車~ 同中環果 D 唔同，佢地全部都係後生仔黎架~ 仲好好笑容添~
湯布院重點
… 龍貓店~
仲有好多其他商店 ….
唔知佢寫乜~
我地沿住條街一路行 … 就行到去金鱗湖啦 … 一邊行, 一邊落雪呀 … 好浪漫~
我地兩個都覺得其實無咩特別 … 不過都幾靚既~
到此一遊啦~
之後我地就行番去酒店啦~ 不過好多鋪頭都關左啦~ 因為過左五點啦~
我地經過一間超市，入去 Shopping 左一陣~
買左好多零食同今個旅程唯一一個壽司宵夜~
返到去坐左一陣… 1830 準時開飯~ D 野好好吃架~
吃完飯，我地兩個上房執下野，一齊落樓下浸完溫泉 … 返房討論一下明天既旅程~之後就訓啦~
後感：
落雪渣車真係好驚險剌激~ 睇到前面條路白雪雪都真係幾驚！
同一個牌子既油站個價都可以好大出入，真係要每一間睇下幾錢先得~
住民宿無自己既沖涼房，對我呢 D 一日沖兩次涼既人黎講開頭都幾唔慣，依家唔慣都要慣啦~ 哈哈！
是日使費：
酒店 + 入湯稅 … 16,800円 + 300円
動物園入場券 + 餵食物 … 4,200円 + 2000円
路費 … 450円 + 750円
Lunch … 950円(別府灣 SA)
油費 … 2,140円(20L@107円)