再戰九州2009 (第七天 16Jan)-太宰府、回港

一早就起身啦，影下個電視先，真真正正既收費電視，上一手用剩左幾分鐘呀，我地可以睇左幾分鐘電視，哈哈哈~

執下 D 野，就出門口刷牙洗面啦~ 好彩有熱水咋~

其實間屋圍住係有個花園仔架~

我地就響呢塊啡色版後面刷牙架啦~ 嘻嘻~

攪完個人衞生係時候吃個早餐啦~ 呢樹就係吃早餐既地方啦~

每人有一份架，都唔錯啦，由於我地都算遲起身，得我地兩個吃早餐咋~ 好優閒

吃飽飽就走人啦 … 今日得一個行程，就係太宰府天滿宮啦~

泊開街邊有感情，嘻嘻~

泊完車行過去都好近架咋~

門口有好大隻牛~

邊行邊影相~

唔知有咩望呢？

洗下手先 …. 哇~ 凍到呢~

大殿啦~我地入去果陣無乜人架，唔知點解過左一陣全部都係學生~

我估呢個即係太歲啦~ 好彩無我份~

好多野買呀…都有好多人祈福，天滿宮係祝願考試順利架，我都希望美寧考車牌一 Take Pass 啦

隻隻牛個頭都俾人摸到閃閃令~

影相啦~ 笑 ~ ~ ~

一場黎到，一人用左 100円求左支簽，當然求完唔知佢講乜啦~

人地做乜我地就做乜啦~ 打個結上去 … 走人啦~

出到外面都有好多野行架~ 又有龍貓店啦~

不過呢間 D 龍貓好洩洩架~

軒：「快 D 放開美寧隻手呀~ ~ ~！」

又有鬼太郎店~

都係果句 … 到此一遊啦太宰府駅~

之後就行番轉頭去攞車啦~

當然唔少得吃番個特產「梅子餅」啦~ 不過我地唔小心跌左落地 … 執番上黎再食過~ 嘻嘻~ 我硬係覺得個餅有對眼望住我~ 哈哈~

吃完個餅，我地就起程去還車啦~

差不多到既時候，見到呢間拉麵店，聽講好多人都吃過，不過唔知點解我到步果日見佢唔到架呢都係果條路唧！？

還車前先入滿油，租車店格離間油站簡直係呃錢，好彩尋日餵飽左佢咋，哈哈~成個行程一共行左 1291.2 公里，唔知可以兜香港幾多個圈呢？

還原車就行去搭車過國際線啦，呢一日天氣唔係太好，不過都 OK 啦，太陽伯伯都照顧左我地好多日架喇~

Check-in 啦，呢邊 Check-in 係要先將行理過一次機先可以再排隊架，我開頭有 D 驚，因為我帶左三個西柚返香港，唔知帶唔帶得，響佢個 X 光機見到三個波，好攪笑

呢位係港龍空姐我同事個朋友，咪影俾佢睇下囉~ 哈哈~

入閘啦，快樂既時光過得真係快，又要返香港啦~

再見喇福岡，再見喇九州~

再見喇白雲~

是日飛機餐~

點少得呢杯重點丫~

就係咁，我地又完成左七日無驚無險既旅程啦！

後感：

雖然今次比起上次玩多左一日，但係都好似唔夠喉，唔通我都患上左日本旅遊症候群？

今次既行程係我地一手一腳上網睇下資料而成既，比起上一次，今次因為去既地方遠左，渣車時間多左，鬆動左，好似無咁剌激！不過排得太密又會好辛苦，排行程真係唔簡單，下次去都係唔好一日咁多時間渣車，近近地咁玩好似好 D！

除番開架車要 $0.6 一公里，我都覺得太貴，下次一見到平既唔理滿唔滿都入左先，可能仲平 D！

是日使費：

太宰府泊車 … 400円

油費 … 740円