<<食>>
第一間一定要講，50円/皿 迴轉壽司！
好唔好吃就見人見智，個人認為入得口，唔難吃！地點係「固力果」果個必影位，向心齋橋筋方向行入去左手邊第一個街口之前，不過呢個優惠好似去到 2 月 28 號，趕到既試下都無防！不過夜晚會勁多人排，我地都係十點半入去吃左 21 碟早點，成惠 1050円！
今次既旅程吃左好多拉麵，等我排下位先：
最好吃當然係「一蘭」啦，由第一次去博多總店吃過之後就深深咁愛上左！所以今次有幸再遇「一蘭」！
之後就係「一風堂」，有一晚響神戸落腳再渣車四圍兜發現既！無記錯好似響元町駅附近！之前都係響博多是是但但咁入去吃過一次，味道同「一蘭」不相百重，湯就「一蘭」吸引 D，個係個半熟旦就「一風堂」好似好味 D 喇！
去果陣佢仲做緊 25 週年特惠，一個「替玉」25円咋！
「金龍」拉麵就真係無乜話好特別，唔知點解個個都話要試下！？可能因為價錢啦！我比較欣賞佢個黑椒胡椒粉，幾野味！
「秋櫻」，其實都唔知係咪呢個名，不過我見 D 職員件衫係咁寫囉！你地一定會經過既，因為佢係響關西機場離境之後等飛機果 D 位，坐 AI 好多時都要入到去先吃早餐架喇，都唔錯架喎~
仲有呢兩間拉麵，一間係「四天王」，D 肉真係入口即溶，因為勁肥！另一間係「神座」，呢一間真係無乜特別，係有一碗麵特別大碗囉！
<<買>>
如果喜歡龍貓
既朋友們，記住去睇下呢間鋪！
入面好多宮崎俊既產品，除左龍貓，仲有
波兒、宅急便等等既野賣架！我都入去放低左幾両，因為佢有 D 野都有做特價！位置就係地下街既 B23 出口，記住去睇下啦！
如果會去日本買藥的話，記住睇下呢間野！
因為總觀咁多日，呢間野最平，都係響地下街入面，B11 出口果度！
咪睇佢入口好似好細，入面應有盡有，仲好多人買野添架！
係咪好心急睇遊記呢？ (唔實可能都無人睇既，呵呵) 勿切留意啦！！！