黎到第三日，一早起身天氣仍然係唔好，大風大雨呢！
晨早起床，當然就係浸浸啦~ 話晒都係第一次住「露天風呂付客室」喎~ 梗係要浸盡 D 啦！
晨早浸一浸，即刻唔眼訓~ 吃早餐去 loooooooooo！
次次吃日式早餐都有燒魚咁既
？
好大堆頭呀~ 開餐啦
吃飽飽，出去行一行佢間手信店，我就當然爭取最後上網時間啦！
早上既正門，清楚好多呢！
執好野，Check 埋 Out，開車去我地今日第一個影點，「千疊敷」啦~
一個睇石既地方，越落越大雨啦~ 走鬼呀~
唉~ 真係乜心情都無晒，真係到此一遊咁咋~ 落車影幾張相就走人啦~！
之後再渣車過去三段壁，如果你係由千疊敷過去的話，去到三段壁果道有個停車場要收錢既，再渣遠少少右手邊有個車場唔使錢架，唔係行好遠架咋~
呢樹可以俾錢落去個洞入面睇野，不過我地無入去呀！
落雨落雨不停落雨！唉~
都係睇下岩石~
大風都爆炸呀~ 仲係咁落雨！你睇下幾大雨！
接住我地渣左一個鐘頭車，去左今個旅程最「LEI HEA」既一個地方 – 串本既「本州最南端」
唔使多講都知呢樹有咩特別啦！
點解我會話呢樹最「LEI HEA」呢？因為大風到吹郁成個人，甘本無可能開遮，仲要落緊雨，仲要十個凍！
我地快快手咁影完相，拿拿林走人啦！簡直覺得對手唔再係屬於自己架！
好彩果樹有部機有熱粟米湯賣，簡直覺得果罐係世界上最好味既粟米湯呀！