關西遊 – 第三天 (三) – 勝浦温泉 ホテル浦島

由那智大社落番黎其實好近~ 我地今日住既酒店係「ホテル浦島」

一般搭車既人仕係要去碼頭再轉佢既專船過去架！至於渣車既人仕，我去之前都有上網睇過資料~ 有兩種方法：第一，泊低架車響佢指定既停車場之後有專人送你去碼頭搭船；第二，可以直接渣車入去！

可能係平日既關係，我渣左架車去指定果個停車場之後，佢地會有專人開架車帶路，帶我地直接泊入去酒店入面！如果自己入我都唔知入唔入到~ 哈哈~

係一間好大間既酒店~ 有個服務員識講國語，所以溝通唔成問題！

先上房放低 D 野先~ 都係一般和式房~

窗外景觀~

呢隻就係果 D 接駁船啦，最後我地都無坐過~

一人一張地圖~ 實在太大啦~ 不過無地圖都無所謂，D 指示都幾清楚！

休息左一陣，去參觀下間酒店同搵開飯既地方啦~ 佢係響 33 樓吃飯，可以入電梯按 33 字，又可以搭扶手電梯慢慢上去~

登記既時候一人會派一張紙俾你去吸印~ 聽聞吸滿晒有小禮物，呢六個都係佢地既特色溫泉~ 其中「忘歸洞」最出名啦~ 響個山洞入面對住個海浸，都幾寫意架~

我地六點半就開飯啦~ 一個個排隊入去~

夕食同朝食都係自助形式~

好多壽司呀~

魚生~

我地既第一輪~

吃飽飽之後四圍行下~ 行出酒店正門影下相~ 有個叔叔話幫我地影合照~ 唔該晒~ 不過點解 … 唔影埋下面個日期呢？

本來打算渣車出去勝浦遊下車河既~ 不過實在係太大雨啦~ 唉~ 上房換件衫，落去浸浸 loooooooo~

呢個就係佢最出名既「忘歸洞」啦，話 D 人會掛住浸忘記返歸喎~

佢分開男女~ 到第二朝男女就會倒轉架喇，睇清楚先好入呀~ 想浸晒兩個就要分兩次浸啦~ 我地兩個都認為右手邊呢個大 D 同舒服 D~

我地都有浸其他既溫泉，都係一般啦！我地吸好晒六個印印啦~ 仲買兩杯雪糕返房吃添

不過最後我地係唔記得走去換小禮物！哈哈哈~

今晚要早 D 訓啦，因為聽日早上既行程都係渣車，要成四個鐘一口氣踩到去神戶吃神戶牛，早抖啦~