又渣左個幾鐘頭車，我地黎到京都既酒店，「嵐山温泉・彩四季の宿-花筏」，佢響正渡月橋隔離，不過個停車場就要行一段仔路喇~ 我地訂左一晚 42000円 包朝夕食同 40 分鐘私人風呂！
登記完佢就會問你想要咩味既香架啦~
之後叫佢幫我地影左張相，佢有幫人影相服務架，影完會變左個年歷表寄番俾你，不過要 1500円，佢送埋俾我地 … 因為 … 嘻嘻~
上到房~ 先黎一人一杯泡泡緣茶~ 好味~
食左阿夕子~ 都幾好味~
我地間房~ 和式房間，夕食就係響呢度架啦~ 唔知呢位小姐等咩呢？
當然，佢都唔知自己等咩啦~ 而我就一早準備好晒~ 今日就係成個旅程最重要既一日啦~ 我由訂酒店開始就計劃架喇~ 不停同酒店電郵聯絡，好彩佢地有個後生仔識少少英文，我要求佢地幫我訂定一個生日旦糕同埋花，佢地當然話無問題啦~
其實我係上房之前就同左佢地講~ 我地入左房你就可以上旦糕架啦~ 過左一陣~ 旦糕到啦~
生日快樂呀~ 快 D 許個願先啦~ (咦！？花呢？一陣你就知！)
兩個加埋先食得果四分之一！都幾好食，唔錯唔錯~
慶祝完生日之後，我地就出去參觀下間酒店啦~ 我地間房~
休息室有兩張按摩椅~ 岩晒今晚用~
之後同職員講定吃晚飯時間，渣車出去遊車河啦~ 新鮮野菜都有得自動販賣，勁~
遊下遊下，見到呢間寫住古著喎，入去行下先！因為上次響福岡 D 古著好鬼平，入去供下先~
原來間野唔止古著，仲有古櫃~
古帶~ 勁古呀~
古卡~ 真係有人搵架喎~
古 CD … 周華健都有？！
王菲都有喎~ 哈哈哈~
仲有古書~ 酒井法子寫真集~ 二話不說~ 買左~ (係老婆鍾意，唔係我！) 不過到一年後既今日都未開過封~ 哈哈~
睇完一輪，又開車去第二度啦~ 鞋店~ 好鍾意佢地 D 鋪頭門口有停車場~
990円一對鞋~ 一百蚊都唔使~ (果陣仲係兌 85，依家兌 95！)
一如以往，無買到，之後後悔點解咁平都唔買黎粗著囉~
跟住去到超市，間間都咁大間
小弟個朵喎~ 梗係要影下啦~
今晚晚餐加料呀~貝柱 298円，其實都唔知佢係咪寫住可以生食，不過斷估唔會俾人用黎炒西蘭花掛~
行埋個超市，時間都差不多啦~ 渣車返酒店 looooo，只要你開車前響 GPS 設定酒店係目的地~ 之後是但求其點渣都得架啦~ 只要唔好十五癢渣上有料道路，唔好走得太遠~！ 要返去咪睇 GPS 囉！