關西遊 – 第五天 (五) – 嵐山温泉・彩四季の宿-花筏(下)

話咁快就返到酒店~ 準備開飯啦~ 日本人既晚飯時間好準時~ 今晚既菜單~

去片~ 不過唔好問我邊樣打邊樣~ 鬼識咩~

我知呢杯係酒~

紅酒一支~ 送既~ 哈哈~

係咁上野食，好飽呀~ 頭先仲要食完旦糕~

呢一個係緊張既笑容~

呢位先生，你響樹攪咩呀？

攪 D 加料囉~ 好美味~ 哈哈~

正餐食完啦~ 已經好飽架喇~ 點知個嬸嬸再多個盒入黎~ 有筷子既？又係食得架？

因為今日係節分呀，佢地傳統夜晚要向住某個方向食節分卷~

兩大舊飯~ 天啊~ 我地只係能夠吃三分一條咋~ 哈哈~ 再食落去真係會飽到嘔囉~

我都唔知用左個咩藉口走左出房~ 進行我呢一晚第二個驚喜~ 首先出去搵返個嬸嬸，準備定我訂左既花束~再 SET 好個相機俾嬸嬸拍片~ 發覺原來我都同到日本嬸嬸溝通~ 下次試下同日本少女溝通先~ 求婚計劃，ACTION！

條片婚禮果晚播左啦，唔放上黎 loooo …. 嘻嘻~ 當然係「大成功」啦！！

呢隻介子跟左我五日，提心吊膽驚俾人搵到！依家鬆一口氣囉~

人生太多野要計劃啦，計劃完求婚回港就計劃結婚啦~ 好開心呀~ 就係因為預先同酒店夾定晒，所以今晚既生日同求婚驚喜都好順利，所以佢地又送紅酒又送相俾我地~ 幫忙拍片果個嬸嬸仲好感動添呀~ 唔知當年佢老公係咪又係咁求婚架呢？

攪掂晒 D 野~ 我終於可以輕輕鬆鬆咁浸浸啦~ 先去問問個風呂有無人用緊，無人用緊喎~ 到我地啦~ 40 分鐘私人露天風呂，正呀~ 水係熱既~ 外面天氣係凍既~ 好正呀~

開心既時間過得好快~ 40分鐘話咁快就過~ 時間上係夠用既~ 浸得太耐唔係咁好架~

浸完就過公眾溫泉望下，環境都唔錯架~

酒店幫忙訂既花束~ 陪到我地最後一日呀~

終於呢一晚我唔使再諗住求婚野啦！又唔使驚俾人發現介子，又唔使驚酒店唔知會唔會為我準備花同旦糕！可以安心咁訓啦~

聽日遊京都，之後就返難波還車 looooo ….